විවාහ ගිවිසගැනීමේ ත්‍යාගයක් ලෙස ඩොලර් ලක්ෂ 14.5 ක (රුපියල් ලක්ෂ 1914)  මුදල් පිරවූ පෙට්ටි 18 ක් තම අනාගත මනාලියගේ නිවස වෙත යැවූ පුද්ගලයකු ගැන චීනයෙන් වාර්තා වේ.

පෙට්ටි සියල්ලක්ම පාරම්පරික චීන කැටයම් වලින් සරසා රතු පැහැයෙන් වර්ණ ගන්වා තිබිණි.ඒවා අනාගත මනාලියගේ නිවසට ප්‍රවාහනය කර තිබුණේ සුඛෝපභෝගි වාහන වලින් සැදුම් ලත් පෙරහරකිනි.

මෙන්ග් හුන්ග් නම් වන මේ ‘නිර්ලෝභී‘ පුද්ගලයා ප්‍රකට ගොඩනැගිලි ඉදිකිරීම් සමාගමක හිමිකරුවෙකි.තමන්ට තම අනාගත මනාලිය මුළු ලොවටත් වඩා වටින බවත් එය පෙන්වීමට මෙවන් ත්‍යාගයක් ඇය වෙත යැවූ බවත් ඔහු කියයි.

මනාලියද තම අනාගත මනාලයා එවන ලද ත්‍යාගය සතුටින් භාරගෙන ඇතැයි සදහන්වේ.

ඇතැමුන්ගේ අදහස වන්නේ මෙය හුදෙක් මනාලිය මුදල් වලට මිලදී ගත්තාක් වැනි ක්‍රියාවක් බවයි.දෙදෙනා සැබැවින්ම එකිනෙකාට ආදරය කරන්නේ නම් මෙවන් ත්‍යාගයක අවශ්‍යතාවයක් නැතැයි ඔවුන්ගේ මතයයි.