වතිකානුවේ දහස් ගණනක් ජනයා පවුලේ දිනය සමරීමේ පූජාව සඳහා ශාන්ත පීටර් දේවස්ථාන චතුරස‍්‍රයට රැස්ව සිටියි. රැස්ව සිටි පිරිසට දේශනය පැවැත්වීමට පැමිණි ෆ‍්‍රැන්සිස් පාප්තුමා සමග කුඩා දරුවෙක්ද  වේදිකාවට නැන්ගේය.

සහයකවරු පැමිණ ඔහු ඉවත් කිරීමට කටයුතු කරත් පැමිණ සිටි පිරිස දැකීමෙන් පුදුමයට පත් වූ කුඩා දරුවා නැවත වේදිකාවෙන් බැසීම ප‍්‍රතික්ෂේප කළේය.

එසේ රැඳී සිටි දරුවා නිකම් සිටියේ නම් නැත. සතුටින් ඉපිළෙමින් සිටි දරුවා දේශනය පවත්වන පාප්තුමා ඉදිරියට පැමිණ පාප්තුමාගේ කකුල බදා ගනී. ඔහුගේ ඔළුව අතගා පාප්තුමා එයට ප‍්‍රතිචාර දක්වා ඇත. එතැනින් නොනැවතුණ ඔහු පාප්තුමාගේ පුටුවේ වාඩි වීමටද ගියේය. රැස්ව සිටි පිරිසෙන් ගැහැණු දරුවෙක් පැමිණ ඔහුට තෑග්ගක් දී නැවත ඔහු පිටතට ගෙන ගියේය.