තම දුරකථනය සොරාගත් තැනැත්තිය තම පෙම්වතිය කර ගැනීමට මාන බලන්නෙකි ස්විස් ජාතික නික්ලස් කනේච්ට්.
 නික්ලස් පවසන ආකාරයට ඔහුගේ දුරකථනය ස්විට්සර්ලන්තයේ සූරිච් නුවරදී සොරකම් කර දැනට මාස 2 ක් පමණ ගතවී ඇත.නමුත් පසුගිය දින කිහිපයක සිට නික්ලස්ගේ අන්තර්ජාල ඡායාරූප ගිණුමට ලැඛෙන්නට වූ සුරූපී තරුණියකගේ ඡායාරූපයන් ගැන විමසිලිමත්වූ ඔහුට සොයා ගැනීමට හැකිව තිඛෙන්නේ තම දුරකථනය ‘සොරා‘ ගෙන ඇත්තේ ඇය බවයි.
දුරකථනයේ කැමරාවෙන් ගනු ලබන ඡායාරූපයන් ස්වයංක්රීමයවම තම අන්තර්ජාල ඡායාරූප ගිණුමට එක්වන සේ සකසා තිබීම නිසාවෙන් මෙසේ ඇය ගන්නා ඡායාරූප තමන් වෙත ලැඛෙන බව නික්ලස් කියයි.

‘ඇයට අමතක වෙලා වගෙයි මේ අංගය කි්ර යාවිරහිත කරන්න.ඇය ගන්නා ඡායාරූප ඔක්කොම මට ලැඛෙනවා.  ‘යැයි නික්ලස් පවසයි.

‘සොරා‘ අල්ලාගෙන තම දුරකථනය ලබාගන්නවා වෙනුවට නික්ලස්ට දැන් ඇත්තේ වෙනත් අදහසකි.
‘ඇය මගේ පෙම්වතිය වනවා නම් මේ දුරකථන පළහිලව්ව අමතක කරල දමන්න මම ලෑස්ති වෙලා ඉන්‘ නික්ලස් අපේක්ෂාසහතව කියයි.

දුරකථනය දැන් ඇත්තේ ස්විට්සර්ලන්තයෙන් බොහෝ ඈත මොරොක්කෝවේ බව නික්ලස් අනුමාන කරයි.ඒ ඔහුගේ zzසිහිනzz පෙම්වතිය මොරොක්කෝ ජාතික ඇදුමින් සැරසී සිටිනු දැක්වෙන ඡායාරූප කිහිපයක්ද ඔහුට ලැබී ඇති බැවිනි.
ඇය කවරෙක්ද යන්න සොයාගැනීමට නික්ලස් ෆේස්බුක් පිටුවක්ද අරඹා ඇත.

‘මම හිතන්නේ නැහැ ඇයම මගේ දුරකථනය සොරාගත්තා කියලා.කවුරුහරි මගේ දුරකථනය සොරාගත් තැනැත්තාගෙන් ඇත්ත නොදැන ඇය එය මිලයට ගන්න ඇති.මට දැන් දුරකථනය වුවමනා නැහැ.ඇයව ලැඛෙනවනම් එච්චරයි‘ නික්ලස් පවසන්නේ සිනාමුසුවය.