මිතුරන් සමග විනෝද වීමට ඇති ඉඩ අහුරාගෙන සිටින බිරිඳගෙන් බේරීමට තමන්ම ‘‘පැහැරගත්‘‘ පුද්ගලයෙක් ඇමරිකාවේ සීටී.

බිරිඳ සමග නිවසේ සිටිනා තුර තමන්ව පැහැරගෙන යනසේ හැසිරෙන්නැයි හෙතෙම තම මිතුරන්ට උපදෙස් දී තිබේ.ඔහුගේ උපදෙස් ප‍්‍රකාරව දිනක රාති‍්‍රයේ මුහුණු ආවරණය වනසේ වෙස් මුහුණුද බැදගෙන නිවසට පැන ඇති මිතුරන් පිරිස මොහුව ‘‘පැහැරගෙන‘‘ ගොස් ඇත්තේ ඔහුගේ බිරිඳ භීතියෙන් බලා සිටියදීය.

බිරිඳ වහා පොලිසිය අමතා මේ බැව් දැනුම්දුන්නත් පැහැරගත්තවුන් පිළිඹද කිසිදු හෝඩුවාවක් සොයාගැනීමට පොලිසියට නොහැකි වී තිබේ.

දින දෙක කට පසුව යළිත් නිවසට පැමිණි මේ ‘‘පැහැරගනු ලැබූ‘‘ තැනැත්තා බිරිඳට පවසා ඇත්තේ තමන් කෙරෙහි අනුකම්පා කළ සොර මුල තමන් නිදහස් කළ බවයි.

මෙය විශ්වාස කළේ පොලිසිය නම් නොවේ.මෙම පුද්ගලයා ගෙන්වා සිදුකළ ප‍්‍රශ්න කිරීම් වලදී අවසන ඔහු බිරිඳගෙන් බේරී මිතුරන් සමග විනෝද වීම සදහා තම මිතුරන් ගේද ආධාර ඇතිව ‘‘පැහැරගැනීමක්‘‘ සැළැසුම් කළ බව පිළිගෙන තිබේ.

පොලිසිය නොමග යැවීයැයි චෝදනා ලැබ සිටින ඔහු දැන් සිර බත් කයි.නමුත් ඔහුට නියම දඩුවම ලැබෙන්නේ යළිත් නිවසට ගිය පසු බව පොලිසිය කියති.