ද්වී පාර්ශ්වික සබඳතා ශක්තිමත් කර ගැනීමේ අරමුණින්, චීන ජනපති සී ජිංපින් පෙරේදා (8) ඇමෙරිකාවට පැමිණියේය.
චීන ජනපතිවරයා සහ ඇමෙරිකා ජනපති ඔබාමා අතර සාකච්ඡුා පැවැත්වුණේ කැලිෆෝනියාවේ කාන්තාරබද ප‍්‍රදේශයක ක්ෂේම භූමියක පිහිටා ඇති රැන්කෝ මිරාජ් නමැති නිවාඩු නිකේතනයේය.


පැය හයකට වැඩි කාලයක් තිස්සේ පැවැති එම හමුව නිල හමුවකට වඩා සුහඳ හමුවක් වූ බව ඇමෙරිකන් පුවත් සේවා වාර්තා කළේය.
ජනපතිවරුන් දෙදෙනා අතර වැඩි වශයෙන් කතාබහට ලක් වූයේ දෙරටටම තර්ජනයක් වී සිටින පරිගණක දත්ත හොරුන් නැතිනම් පරිගණක හැකර්වරුන් සම්බන්ධයෙනි. ඊට අමතරව, දෙරටේ ආර්ථික කටයුතු සම්බන්ධයෙන් ද ජනපතිවරුන් දෙදෙනා අතරේ සාකච්ඡුාවට බඳුන් විය.