ඕස්ටේ‍්‍රලියාවේ පාලක කම්කරු පක්ෂයේ නායකත්වය වෙනුවෙන් ඉකුත් 26 වැනිදා පැවැති ඡුන්ද විමසුමෙන් පරාජය වූ අගමැති ජුලියා ගිලාඞ්, සිය ධුරයෙන් ඉල්ලා අස් අස්වීමත් සමඟ නව අගමැති ලෙස කෙවින් රුඞ් ඊයේ (27) දිවුරුම් දුන්නේය.
 ඕස්්ටේ‍්‍රලියාවේ අගමැති ධුරයට පත්වන්නේ පාලක පක්ෂයේ නායකත්වයට පත්වන තැතැත්තා හෝ තැනැත්තියයි.
කම්කරු පක්ෂ මහ සමුළුවේදී, සිදුවුණු ඡුන්ද විමසුමේදී ඡුන්ද 57 ක් දිනා ගනිමින් ජයග‍්‍රහණය කළේ හිටපු අගමැතිවරයකු මෙන්ම, ගිලාඞ්ගේ රජයේ විදේශ ඇමැතිවරයා ලෙස ද කටයුතු කළ කෙවින් රුඞ්ය. ගිලාඞ්ට හිමිකර ගැනීමට හැකිවුණේ ඡුන්ද 45 ක් පමණි.
  ඕස්ටේ‍්‍රලියානු අගමැතිවරිය ලෙස ගිලාඞ් තේරී පත් වූයේ 2010 වසරේ දීය. එම අවස්ථාවේදී අගමැති ලෙස කටයුතු කරමින් සිටියේ රුඞ්ය. ගිලාඞ්ගේ මෙහෙයවීමෙන් සිදුවුණු පක්ෂ කුමන්ත‍්‍රණයකින් රුඞ් අගමැති ධුරයෙන් මෙන්ම, කම්කරු පක්ෂ නායකත්වයෙන් ද ඉවත් කෙරුණි.


2010 ජුනි 24 වැනිදා  ඕස්ටේ‍්‍රලියා අගමැතිවරිය ලෙස ගිලාඞ් දිවුරුම් දුන්නා ය.  ඕස්ටේ‍්‍රලියාවේ අගමැති ධුරයට පත් ප‍්‍රථම කාන්තාව ඇය විය. එදා එනම් 2010 ජූනි 24 වැනිදා,  ඕස්ටේ‍්‍රලියා අග‍්‍රාණ්ඩුකාරවරිය  ක්වින්ටන් බ‍්‍රයිස් ඉදිරියේ අගමැති ධුරයේ දිවුරුම් දෙමින්  ගිලාඞ්, ප‍්‍රකාශ කළේ යහපාලනය ඇති කරමින්, මුළු මහත්  ඕස්ටේ‍්‍රලියා ජාතිකයන් වෙනුවෙන් ඇපකැප වී කටයුතු කිරීමට තමා පොරොන්දු බවය.


එම පොරොන්දු ඉටු කිරීමට ඇය අසමත් වූ බව, ඇගේ පක්ෂයේත් රටේ ජනතාවගේත් අදහසය. සංක‍්‍රමණික නීති සම්බන්ධයෙන් ගිලාඞ් නීති දැඩි කිරීමට කටයුතු කළාය.


ඉස්ලාමීය අන්තවාදය  ඕස්ටේ‍්‍රලියාවට අවශ්‍ය නැති බව ඇය තරයේ විශ්වාස කළ අතරම ඒ වෙනුවෙන් දැඩි තීරණ ගත්තාය.
ගෝලීය උණුසුම ඉහළ යෑම සම්බන්ධයෙන් ඇය ‘කාබන් බද්දක්’ ද පැනැවූවාය.