හෘදයාබාද වලින් සිදුවන මරණ සංඛ්‍යාව අඩු කිරීමට කෙලවල්ලන් හා බල මාළු ආහාරයට ගැනීම හේතුවක් වන බව හාර්වඩ් විශ්වවිද්‍යාලයේ පර්යේෂකයෝ කියති. ඔවුන් පවසන්නේ බලයන් සහ කෙලවල්ලන් සතියකට දෙවරක් සිය ආහාරයට එක්කැර ගැනීමෙන් හෘදයාබාධයකට ගොදුරුවීමේ සම්භාවිතාව තුන්ගුණයකින් අඩුවන බවයි.

බලයාගේ, කෙලවල්ලාගේ සහ සැමන් මාළුවාගේ ඇති ඔමෙගා නම් මේදය හෘදයේ ඇති ‍දෝෂ වර්ධනය වීම වළක්වන බව ද ඔවුන් පෙන්වාදෙයි. ඔමෙගා මේදයට රුධිර පීඩනය අඩුකළ හැකි බව ද පර්යේෂණ මගින් හෙලිවී තිබේ. මෙයට සමාගාමීව ඇමෙරිකාවේ වොෂින්ටන් සරසවියේ කරන ලද පර්යේෂණකින් පෙනීගොස් ඇත්තේ වයස්ගත පුද්ලයන‍්ට බල මාළු සහ කෙලවල්ලන් මාළු සතියකට තෙවරක් හෝ ඊට වැඩි වාර ගණනක් ආහාරයට දීමෙන් හෘද වස්තුවේ රෝග සියයට 50න් අඩුවන බවයි.

පර්යේෂකයන් පවසන්නේ මෙම මාළු පුළුස්සා හෝ තෙලෙන් බැද කෑමෙන් මෙම ප්‍රතිඵලය ලබාගත නොහැකි බවයි. යුරෝපයේ මිනිසුන්ගේ මරණයට හේතුවන රෝග අතරින් හෘදයාබාධවලට මුල්තැන හිමිවී ඇත. සාමාන්‍යයෙන් පිරිමි පස් දෙනකුගෙන් එක් අයකු ද ගැහැණුන් අට දෙනකුගෙන් එක් අයකු ද හෘද රෝගියෙකි.