එළවලු සහ පලතුරු ආහාරයට ගැනීම මගින් හෘදයාබාධ වැලඳීමෙන් වැළකී සිටිය හැකි බව ඇමරිකානු පර්යේෂකයන් විසින් කරණ ලද අධ්‍යනයකින් තහවුරු කර ගෙන ඇත. මෙම අධ්‍යනය සඳහා 2500 කට වඩා පිරිසක් යොදාගෙන තිබේ. මෙලෙස හෘදයාබාද වලින් වැළකීමට එළවලු හා පලතුරු ආහාරයට ගැනීමේ ප්‍රතිඵලයක් ඇත්තේ ස්ත්‍රීන්ට පමණක් බවත් ඊට හේතුව තවමත් සොයාගෙන නොමැති බවත් පර්යේෂකයෝ කියති.

තරුණ කාන්තාවන් පෝෂ්‍යදායි සෞඛ්‍යාරක්ෂිත  ආහාර ගන්නා කාන්තාවන් හා  සමතුලිත ආහාර නොගන්නා අය හා සැසඳීමේදි  ධමනි අවහිරවීමේ තත්වයෙන් වළකින බව  සොයාගෙන ඇත. ධමනි අවහිර වීම හෘදයාබාධ හා ආඝාතය ඇතිවීමට ප්‍රධානම හේතුව බව වෛද්‍ය මතයයි. ව්‍යායාම අඩුකම හා  දුම්පානය ධමනි අවහිර වීම තීව්‍ර කරයි.

මීට කලින් කරණ ලද පර්යේෂණයකින් පලතුරු සහ එළවළු වැඩිපුර ආහාරයට ගන්නා  මැදිවියේ පසුවන්නන් හෘදයාබාධ වැළඳීමේ අවධානම මුහුණ දීම අඩුබව සොයාගෙන තිබූ අතර තරුණ අය සම්බන්ධයෙන් මෙම තත්වය පිළිබඳ නිශ්චිත පිලිතුරක් ලැබි නොතිබුනි.

වයස විසි ගණන් වල පසුවන කාන්තාවන් සම්බන්ධයෙන් පර්යේෂකයන් පවසන්නේ දිනකට එක් අයෙකු සාමාන්‍යයෙන් ආහාරයට ගන්නා එළවලු සහ පලතුරු මෙන් නවගුණයක්  ආහාරයට ගත් අයගේ ධමනි අවහිරවීමේ ප්‍රවනතාවය එනම් කිරීට ධමනි චූර්නිභවනය  සියයට 40කින් අඩුවු බවයි. මෙම අධ්‍යනය මගින් තරුණ අයගේ  වර්තමාන ආහාර පුරුදු ගැන පවා සැලකිල්ලට ‍ගෙන තිබේ.

මයිනෙපොලිස් හෘද විද්‍යායතනයේ වෛද්‍ය මයිකල් මයිඩෙමා පවසන්නේ වෙනත් අධ්‍යනයන් කිපයකින්ම යෝජනා කර ඇත්තේ පලතුරු සහ එළවලුවලින් පිරිමින්ට අඩු ආරක්ෂාවක් ලැබෙන බවයි. කෙසේ නමුත් මේ සම්බන්ධයෙන් සාර්ථක වු  ජීව විද්‍යාත්මක හේතු සාධක අඩු බව ද හෙතෙම පවසයි.

තවද ජීවන පිලිවෙතේ චර්යාව එනම් හෘදයට හිතකර ආහාර ගැනීම හෘද වාහිනී රෝග වැලැක්වීමේ මූළික පදනම බවත් අපි දැනගත යුතුය.