බිත්තර නිෂ්පාදන වියදම් ඉහළ ගියද මිලෙහි වෙනසක් කිරීමට රජය අවසර නොදීම නිසාවෙන් කෝපයට පත් ප‍්‍රංශ කුකුළු ගොවිපළ හිමියන් ‘‘බිත්තර විනාශ කිරීමේ‘ව්‍යාපාරයක්‘ ඇරැඹුහ.

ගතවූ දින කිහිපයේදී ඔවුහු බිත්තර ලක්ෂ 3 ක් පමණ විනාශ  කළහ. සුපිරි වෙළදසල්,රජයේ කාර්යාල වැනි ස්ථාන අසළ බිත්තර දහස් ගණනින් පොළවේ ගසා විනාශ කර තිබෙන අතර එම ස්ථානයන්හි වැඩකටයුතුද මේ නිසා අඩපණවී ගොස් තිබේ.අවට පරිසරයද පිළිකුල් හා අපි‍්‍රයකර ස්වභාවයක් ගන්නා බව ප‍්‍රංශ වැසියන් කියයි.

බිත්තර හිගයක් ඇති කර රජය බිත්තර මිල ඉහළ දැමීමේ තැනට තල්ලූ කිරීම මෙම ගොවිපල හිමියන්ගේ අරමුණයි.විනාශ කර දැමෙන බිත්තර සංවර්ධනය වෙමින් පවතින රටවලට නොමිලයේම ලබාදීමට තමන් කැමති බවත්

තමන්ට අවශ්‍ය වන්නේ ප‍්‍රංශයේ බිත්තර හිගයක් ඇති කිරීම පමණක් බවත්  ගොවිපල හිමියන් කියයි.

විසදුම් නොළැබුණහොත් ඉරිදා දිනය වන තුරු දිනකට ලක්ෂය බැගින් බිත්තර විනාශ කර අනතුරුව වඩා බරපතල කි‍්‍රයාමාර්ගයන් කි‍්‍රයාවට නංවන බව ඔවුන් පවසයි.

නිශ්පාදන වියදම් ඉහළ යාමට හේතුවී ඇතැයි පැවැසෙන්නේ යුරෝපා සංගමය සම්මත කරගෙන ඇති යෝජනාවකි.එයට අනුව බිත්තර ලන කිකිළියන් හට විශේෂ ආහාර පාන හා ඉඩකඩ ඇති කූඩු සැපයීමට යුරෝපයේ කුකුලූ ගොවිපල හිමියන්ට සිදුවේ.නමුත් ගැටලූව වී ඇත්තේ කිකිළියන්ට සුවපහසුව සැළැසීමට යාමේදී තමන්ට වැඩිපුර වියදම් වන මුදල අයකර ගැනීමට පියවරක් ලබාදීම බළධාරීන්ට අමතකව ගොස් තිබීම බව මේ ගොවිපල හිමියන් කියා සිටී.