අසහාය නායකයෙකු ලෙස නම් දරා සිටින රුසියාවේ ජනපති ව්ලැදිමිීර් පුටීන්ටත් පසුගියදා අකරතැබ්බයක් සිදුවිය.

මේ දිනවල රුසියාවේ ඇති ඔලිම්පික් පන්දම නිල වශයෙන් දැල්වීම සිදුවූයේ මොස්කව්හි රතු චතුරස‍්‍රයේදීය.පන්දම දැල්වීමේ භාග්‍යය හිමිවූයේ ජනපති පූටින්ටය.

දල්වන ලද පන්දම රැගත් ධාවකයා ජනපතිවරයා ඇතුළු රතු චතුරස‍්‍රයට රැස්ව සිටි සම්භාවනීය අමුත්තන්ට සමුදී ඉවත්ව යෑමට සැරසෙනවාත් සමගම සිදුවූයේ කිසිවෙකුත් නොසිතූ පරිදි පන්දම නිවී යාමය.

ජනපති පුටීන් විළියෙන් රත් පැහැ ගැන්වෙනු සියල්ලන්ටම හොදින් දැක බලා ගත හැකි විය.

අවසන ධාවකයා ජනපති ආරක්ෂක අංශයේ නිළධාරියෙකුගෙන් ඉල්ලා ගත් දුම්වැටි දල්වනයකින් පන්දම දල්වාගෙන ඉවත්ව යනු දැකගත හැකි විය.

පසුව කළ සොයාබැලීමකදී හෙළිවී ඇත්තේ පන්දමේ වායු මුද්‍රාවකට හානි සිදුවී තිබීමෙන් මෙසේ දැල්ල නිවී ගොස් ඇති බවය.

ඔලිම්පික් උළෙලක් පැවැත්වීමට ප්‍රථම ඔලිම්පික් පන්දම ලොව වටා සංචාරය කරවීම සිදුකෙරේ.