ඉරානයේ හිටපු ජනාධිපති අහමදිනෙජාද් අධිකරණය හමුවට

ඉරානයේ හිටපු ජනාධිපති මොහොමඞ් අහමදිනෙජාද් ඊයේ (18) එරට අපරාධ අධිකරණය හමුවට කැඳවනු ලැබුණි. ඒ, ඔහුට එරෙහිව කතා නායක අලී ලාරිජානී සහ තවත් ඇමැතිවරුන් කිහිප දෙනකු කළ පැමිණිල්ලක් හේතුවෙනි.
ජනපති අහමදිනෙජාද්ට එරෙහිව ඇති චෝදනා මෙතෙක් අනාවරණය වී නැත.
ජනපති ධුරයේ සිටිද්දී අහමදිනෙජාද් එරට උත්තරීතර පාලක මණ්ඩලය සමඟ ගැටුම් ඇති කර ගත්තේය. ඉරාන ජනපතිවරයාට එරට උත්තරීතර පාලක මණ්ඩලය අභිබවා යෑමට නොහැකිය.
උත්තරීතර පාලක මණ්ඩලයේ නායකයා වන්නේ උත්තරීතර නායක අයතුල්ලා අලී කොමේනිය. අහමදිනෙජාද් අවස්ථා ගණනාවකදී කොමේනී සමඟ මත ගැටුම් ඇති කර ගත්තේය.
අහමදිනෙජාද් ලබන අගෝස්තු මාසයේ දී ජනපති ධුරයෙන් සමු ගැනීමට නියමිත අතර ඉකුත් දා පැවැති ජනපතිවරණයෙන් ජයගත් මධ්‍යස්ථ මතධාරී හසන් රොහානී ජනපති ධුරයේ වැඩ භාර ගැනීමට ද නියමිතය.

අදහස් (0)

ඉරානයේ හිටපු ජනාධිපති අහමදිනෙජාද් අධිකරණය හමුවට

උදය Wednesday, 19 June 2013 11:34 PM

ඇමෙරිකාවේ අවශ්‍යතාවය ඉරානය බේද කරන එක. නමුත් මේ ප්‍රශ්නය ඉරානයට ප්‍රශ්නයක් නොවෙයි (නි)

: 0 0

කුමාරිහාමි Thursday, 20 June 2013 04:51 PM

සාධාරණ වුනත් අසාධාරණ උනත් ඉරානේ නීතියට ඉරාන ජාතිකයෝ ගරුකළ යුතුයි. ළමයින්ටත් මරණ දඬුවම දෙන රට නේ. හෙට අනිද්දා අහමදිනෙජාද් එල්ලා හෝ හිස ගසා මරාදැම්මා කියලා ආරංචි උනොත් පුදුම වෙන්න දෙයක් නෑ. නොබෙල් තෑග්ග දිනපු නෝනටත් ගැහැනියක් වුන නිසා විනිසුරුකම නොදුන් රට නේ. නමුත් අයතුල්ලා අලී කොමේනි වරදක් කලොත් එයත් උසාවි ගේනවද?(නදී)

: 0 0

දයා අළහකෝන් Wednesday, 19 June 2013 06:02 PM

ලංකාවේ නම් මෙහෙම නිතියක් නැහැ නේද? (නි)

: 0 0

ඇසෙ Wednesday, 19 June 2013 09:56 AM

ඒ ඉරානයේ අපේ එහෙමෙ බෑ,(අ)

: 0 0

අසංක Wednesday, 19 June 2013 08:01 PM

මොනවා උනත් හිටපු ඉරාන ජනාධිපතිතුමා කොන්ද කෙලින් තියෙන හිත හොද එඩිතර ජනාධිපතිතුමෙක් එතුමා මෙහෙම උසාවි ගෙනියන එක වැරදි (ත)

: 0 0

හුසේන් Thursday, 20 June 2013 09:55 AM

කොහොමත් ලෝකෙට ලොක්කෝ කොන්ද කෙලින් තියෙන සෙසු ලොක්කන්ට කැමති නැහැ. කොහොම හරි අයින් කරලා පෙන්දෝ දාගන්නවා.මාධ්‍යයත් හරි හරියට ඒ අයට කඩේ යනවා වගේම මල්ලත් පුරෝගන්නවා. (අ)

: 0 0