හින්දි ගීත ගායනයෙන් ගීත ලෝලීන් අමන්දානන්දයට පත් කළ ඉන්දියාවේ කීර්තිමත් සංගීතඥ මන්නාදේ ඊයේ (24) උදෑසන මෙලොවින් සමුගත්තේය. මිය යන විට ඔහුගේ වයස අවුරුදු 94 කි.

මිය යන මොහොතේ මන්නාදේ, ස්වසන ආබාධයක් හේතුවෙන් බැංගලෝර් නුවර රෝහලක ප‍්‍රතිකාර ගනිමින් සිටි බව ඉන්දීය පුවත් සේවා වාර්තා කළේය.
1960 දශකයේ ඉන්දියාවේ තිරගත වූ ‘අංගුලිමාල’ චිත‍්‍රපටයේ ‘බුද්ධං සරණං ගච්ඡුාමී’ ගීතය හින්දි බසින් ගායනා කළේ මන්නාදේ සහ මීනා කපූර්ය. ‘අංගුලිමාල’ චිත‍්‍රපටය සිංහල දෙබසින් මෙරට තිරගත කෙරුණේ 1962 වසරේදීය.

සිය සංගීත දිවිය තුළ මන්නාදේ ගීත 3,500 කට වැඩි ප‍්‍රමාණයක් ගායනා කර ඇති අතර සම්මාන රැසකින් ද පිදුම් ලැබුවේය.