ඇමෙරිකාවේ ජාතික ආරක්ෂක ඒජන්සිය, බ‍්‍රසීලයේ කි‍්‍රයාත්මක අංක එකේ තෙල් සමාගම වන ‘පෙට්ට්‍රෝබාස්’ සමාගම ගැනත් ඔත්තු බලා ඇතැයි එරට පුවත් සේවා අනාවරණය කර ඇත.
‘පෙට්ට්‍රෝබාස්’ සමාගම බ‍්‍රසීලයේ පමණක් නොව, ලතින් ඇමෙරිකා රටවල ද ආධිපත්‍ය පතුරුවා ඇත්තේ ඇමෙරිකන් සමාගම්වලට අභියෝගයක් වෙමිනි.
එන්.එස්.ඒ. හෙවත් ඇමෙරිකානු ජාතික ආරක්ෂක ඒජන්සිය, එරට රජයේ අනුදැනුම සහ සී.අයි.ඒ. බුද්ධි අංශ නිලධාරීන්ගේ අනුදැනුම මත ලෝකයේ රටවල් රැසක රාජ්‍ය නායකයන්, තානාපතිවරුන්, තානාපති නිලධාරීන් මෙන්ම විවිධ සමාගම් ගැන ද රහසේ ඔත්තු බලන බව පසුගියදා අනාවරණය විය.
එම අනාවරණය කළේ එන්.එස්.ඒ. ආයතනයේ හිටපු නිලධාරියකු වන එඞ්වඞ් ස්නෝව්ඩන් විසිනි. ඔහු එන්.එස්.ඒ. රහස් වාර්තා මාධ්‍යවලට ලබා දී ඇත. ඒවා විටින් විට මාධ්‍ය හරහා ප‍්‍රසිද්ධ කෙරේ.