IMG-LOGO

2025 ජුලි මස 19 වන සෙනසුරාදා


රජය පෙරළන කුමන්ත‍්‍රණ පරදන්න අප සැම දෙනාම එක්විය යුතුයි

පාකිස්තාන රජය පෙරැළීමට උත්සාහ ගන්නා කුමන්ත‍්‍රණ ව්‍යර්ථ කිරීමටත් ප‍්‍රජාතන්ත‍්‍රවාදය ස්ථාපිත කිරීමටත් සැවොම එකමුතු විය යුතු යැයි අගමැති යූසොෆ් රාසා ගිලානි පවසයි. පාකිස්තාන අගමැතිවරයා මේ බව කියා සිටියේ ඝාතනයට ලක් වූ හිටපු අගමැතිනියක වන බෙනාසීර් බූතෝගේ ගුණ සැමැරුමට සහභාගී වී ඇයගේ සොහොන් ගැබට පුෂ්පෝපාර දැක්වූ අවස්ථාවේදීය. ”පක්ෂ විපක්ෂ භේදයකින් තොරව අද අප මෙහි පැමිණියේ ඝාතනයට ලක්වූ බෙනාසීර් බූතෝ මහත්මියට ගෞරව දැක්වීමටයි. අප සැවොම එකමුතු වී පාකිස්තාන රජය පෙරළන්න දරන කුමන්ත‍්‍රණ ව්‍යර්ථ කර ප‍්‍රජාතන්ත‍්‍රවාදය දිගටම ස්ථාපිත කර ගැනීමට හැකි නම් තමයි අප සැබැවින්ම බෙනාසීර් බූතෝ මහත්මියට ගෞරව කළා වෙන්නේ” යැයි අගමැති ගිලානී ප‍්‍රකාශ කළේය. බෙනාසීර් බූතෝ මහත්මිය මරාගෙන මැරෙන බෝම්බකරුවකුට බිලි වූයේ 2007 වසරේ නොවැම්බර් 27 වැනිදාය. එම අවස්ථාවේදී ඇය රාවුල්පිණ්ඩි නුවර දේශපාලන රැලියකට සහභාගී වෙමින් සිටියාය. එම ගුණ සැමරුමට බෙනාසීර් බූතෝගේ සැමියා මෙන්ම වත්මන් පාකිස්තාන ජනාධිපති අසීෆ් අලී සර්දාරි ද පැමිණ සිටිය්ය. ඇමෙරිකා හමුදා පාකිස්තානයේ ස්වෛරීභාවය දිගින් දිගටම උල්ලංඝනය කරන්නේ ජනාධිපති සර්දාරිගේ දුර්වල නායකත්වය නිසැයි පාකිස්තාන ජනතාව සහ හමුදාව චෝදනා කරයි. පාකිස්තාන ජනාධිපති අල් සර්දාරි ධුරයෙන් ඉවත් විය යුතු යැයි පාකිස්තාන හමුදාව, ජනතාව, විපක්ෂ දේශපාලන කණ්ඩායම් ද පවසයි. ජනාධිපති අල් සර්දාරිට එරෙහිව ඔහුගේ පාකිස්තාන ජනතා පක්ෂයෙන් ද විරෝධයක් ගොඩනැගෙමින් පවතී. ජනාධිපති අල් සර්දාරි  බෙනාසීර් බූතෝගේ  සොහොන් ගැබට පුෂ්පෝපාර දැක්වමින්...



අදහස් (0)

රජය පෙරළන කුමන්ත‍්‍රණ පරදන්න අප සැම දෙනාම එක්විය යුතුයි

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site