IMG-LOGO

ආචාර්ය අබ්දුල් කලාමේගේ දේහය උපන් ගමට

ඉන්දියාවේ හිටපු ජනපති ආචාර්ය අබ්දුල් කලාම්ගේ දේහය අද (29) ඔහුගේ උපන් නගරය වන තමිල්නාඩු ප්‍රාන්තයේ රාමේෂ්වරම් වෙත රැගෙන එනු ලැබීය.

අවසන් කටයුතු බ්‍රහස්පතින්දා (30) උදෑසන පැවැත්වීමට නියමිත අතර ඉන්දීය අගමැති නරේන්ද්‍ර මෝදි ද ඊට සහභාගී වීමට නියමිතය.

83 හැවිරිදි ආචාර්ය කලාම් හෘදයාබාදයකින් මෙලොවින් සමුගත්තේ පසුගිය 27 වැනිදා සවසය. ඒ ෂිලෝන් නුවර ඉන්දීය කළමනාකරණ ආයතනයේ දේශනයකට සහභාගී වෙමින් සිටිද්දී සිහිසුන්ව ඇද වැටීමෙන් පසුවය.

කලාම්ගේ දේහය අඟහරුවාදා (28)  හමුදා ගෞරව සහිතව විශේෂ ගුවන් යානයකින් නවදිල්ලි අගනුවරට ගෙන ආවේය. ගුවන් හමුදා කඳවුරේ දී අගමැති නරේන්ද්‍ර මෝදි සහ වර්තමාන ඉන්දීය ජනාධිපති ප්‍රනාබ් මුඛර්ජී පැමිණ ගෞරව දැක්වූහ.

අයහපත් සෞඛ්‍ය තත්ත්වය හේතුවන් තමන් අවමංගල්‍ය උත්සවයට සහභාගී නොවන බව තමිල්නාඩු මහ ඇමැතිනී ජයලලිතා ජයරාම් පවසා ඇත.

ආචාර්ය කලාම් ඉන්දියාවේ 11 වැනි ජනපතිවරයා වූ අතර 2002 වසරේ සිට 2007 වසර දක්වා ජනපතිධුරය දැරුවේය. අබ්දුල් කලාම් රාමේෂ්වරම්හි උපත ලැබුවේ 1931 ඔක්තෝබර් 15 වැනි දා ය.

සූර්ය බලශක්තිය, න්‍යෂ්ටික බලශක්තිය, තාක්ෂණය හා විද්‍යාව සඳහා ඔහු කළ ඉමහත් සේවාව වෙනුවෙන්, ඉන්දියාවේ පුද්ගලයකුට හිමිවන ඉහළම සම්මාන වන භාරත් රත්න හා පද්ම භූෂණ සම්මාන වලින් ද පිදුම් ලැබීය.



අදහස් (0)

ආචාර්ය අබ්දුල් කලාමේගේ දේහය උපන් ගමට

විජිත් Wednesday, 29 July 2015 03:53 PM

උගත්කමෙන් බලවත්කමෙන් ඉහළටම ආවත් මනුස්සකම කියන යහපත් ගුණය හැමදාම පෙන්වපු නිහතමානී මහත්මයෙක්.ඔබට ඔබේ ආගම අනුව මෝක්ෂ සුවය ලැබේවා. (නි)

:       0       0

නිෂාද් Monday, 03 August 2015 04:43 AM

අපේ දේශපාලනඥයන්ට විතරක් නෙමෙයි සෑම පුද්ගලයෙකුටම තම ජීවිතය බොහොම සංවරශීලිව, ආතතියෙන් තොරව හැඩගස්වා ගැනීමට එතුමාගේ ජිවන රටාව ආදර්ශයකට ගත හැකිය. එතුමාට නිවන් සුව පතමි. (ම)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 68 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 277 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site