රතු මුහුදේදී ඉරාන නෞකාවකට මිසයිල ප්රහාරයක් එල්ල වීමත් සමඟ බොරතෙල් මිල ගණන් සියයට 2.6කින් ඉහළ ගොස් තිබේ.
ප්රහාර එල්ල වූයේ සෞදි අරාබිය දෙසින් යැයි ඉරානය චෝදනා එල්ල කරන අතර මසක් ඇතුළත මැද පෙරදිග කලාපයේ මෙවැනි සිදුවීමක් වූ දෙවැනි අවස්ථාව මෙයයි.
පසුගිය මාසයේදී සෞදි අරාබියේ ඇරැම්කෝ සමාගමේ ස්ථානයකට ඩ්රෝන සහ මිසයිල ප්රහාරයක් එල්ල විය. සෞදි අරාබි රජයට අයත් ඇරැම්කෝ සමාගම ලොව වැඩිම ආදායමක් උපයන සමාගම් කිහිපය අතුරින් එකක් වන අතර ලොව විශාලතම තෙල් පිරිපහදු සහ සැකසුම් බලාගාරය අයත් සමාගමයි.
එම ප්රහාරය සම්බන්ධයෙන් සෞදි අරාබිය සහ ඇමෙරිකාව ඉරානයට චෝදනා එල්ල කළ අතර ඉරානය එම චෝදනා සියල්ල ප්රතික්ෂේප කළේය.
ඇමෙරිකාව සහ සෞදි අරාබිය ඉරානයට ප්රහාර එල්ල කිරීමට සූදානම් වූ අතර එසේ කළහොත් ඊට ප්රතිචාර වශයෙන් දැවැන්ත ප්රහාරයක් එල්ල කරන බවට ඉරානය අනතුරු ඇඟවීය.
‘නැෂනල් ඉරානියන් ටෑන්කර්’ සමාගමට අයත් නෞකාවකට මෙලෙස ප්රහාර එල්ල වී තිබේ. සෞදි අරාබියට ආසන් මුහුදේදී පිපිරීම් දෙකක් සිදු වූ බවත් එය බොහෝ දුරට මිසයිල ප්රහාර විය හැකි බවත් තවත් වාර්තාවක දැක්විණි.
මෙම පුවත වාර්තා වීමත් සමඟ ‘බ්රෙන්ට්’ සහ ‘නිව්යෝක් කෘඞ්’ තෙල් මිල ගණන් සියයට දෙකකින් ඉහළ ගිය අතර තෙල් සම්පතින් පොහොසත් ගල්ෆ් කලාපයේ තෙල් සැපයුම් සම්බන්ධයෙන් මෙන්ම රටවල් අතර ද උණුසුම් තත්ත්වයක් ඇතිවීමේ අවදානමක් හටගෙන තිබේ.
ඒ.එෆ්.පී/රොයිටර්ස්
055
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බොරතෙල් මිල සියයට 2.6කින් ඉහළට