2023 දෙසැම්බර් මස 07 වන බ්‍රහස්පතින්දා
2023 දෙසැම්බර් මස 07 වන බ්‍රහස්පතින්දා
රටේ ජනගහනයෙන් සියයට 70 කට වඩා වැඩි පිරිසකට එන්නත් ලබා දී තිබියදී ඊශ්‍රායලයේ යළිත් වරක් කොරෝනා රැල්ලක් ආරම්භ වී ඇත. මෙම කොරෝනා රැල්ලට හේතුව 'ඩෙල්ටා' විකෘති වයිරස ප්‍රභේදය යැයි ඊශ්‍රායල සෞඛ්‍ය අංශ බිය පළ කරයි.
'ඩෙල්ටා' විකෘතිය මේ වනවිට ලොව රටවල් රැසකට ව්‍යාප්තවී ඇති අතර, ලෝක සෙඛ්‍ය සංවිධානයට අනුව, ලොවට තර්ජනයක් කළ හැකි බිහිසුණු වයිරස විකෘති ප්‍රභේදය වන්නේ ද මෙයයි. 'ඩෙල්ටා' විකෘතියේ ආරම්භය ඉන්දියාවෙනි. ඉන්දියාවේ ආසාදිතයන් සහ මරණ වැඩි කිරීමට හේතුවක් වූයේ ද 'ඩෙල්ටා' ප්‍රභේදයයි. මේ වනවිට යුරෝපා රටවල ද ඇමෙරිකාවේ ද 'ඩෙල්ටා' ප්‍රභේදය වේගයෙන් පැතිර යන බව ලෝක සෞඛ්‍ය සංවිධානය පෙන්වා දෙයි.
'කොවිඩ් 19' වයිරසයට එරෙහි එන්නත්කරණ කටයුතු ඉතාමත් සාර්ථකව සිදු කරමින් පවතින කළ රටක් ලෙස ඊශ්‍රායලය සැලකෙයි. එම සාර්ථක එන්නත්කරණය හමුවේ, මුහුණු ආවරණ පැලඳීම පවා අනිවාර්ය නොවන බව ඊශ්‍රායල සෞඛ්‍ය බලධාරීන් ජනතාවට දැනුම් දුන්නේ පසුගිය මැයි මාසයේය. ඊශ්‍රායල වැසියන්ට ලබා දෙන්නේ ඇමෙරිකාවේ 'ෆයිසර්' සමාගම ජර්මනියේ 'බයෝඇන්ටෙක්' සමාගම සමඟ එක් වී නිපදවූ 'ෆයිසර්' එන්නතය.
ඊශ්‍රායලයේ අවුරුදු 12 ට වැඩි සියලු දෙනාට ද 'ෆයිසර්' එන්නත ලබා දීම සිදුවන අතර, පාසල් පවා යළි ආරම්භ වී දරුවන්ගේ අධ්‍යාපන කටයුතු කිසිදු බාධාවකින් තොරව සිදුවෙමින් පවතී. කෙසේ නමුත් මේ වනවිට නව කොරෝනා පොකුරක් වාර්තා වීමට පටන්ගෙන ඇත්තේ මෙවැනි පසුබිමක් යටතේ යැයි ඊශ්‍රායල මාධ්‍ය වාර්තා කරයි.
ගතවුණු දින 4 දී ඊශ්‍රායලයෙන් නව ආසාදිතයන් 125 දෙනකු වාර්තා වී ඇත. එම 125 දෙනාගෙන් වැඩි දෙනකුගේ සිරුරුවලින් හමුවී ඇත්තේ 'ඩෙල්ටා' විකෘතිය යැයි සෞඛ්‍ය අංශ තහවුරු කරගෙන ඇත.
ඊශ්‍රායල නව අග්‍රාමාත්‍ය නෆ්තාලි බෙනට් ජාතිය අමතමින් කියා සිටියේ නව ආසාදිතයන් පොකුරක් වාර්තා වී ඇති බැවින්, සෞඛ්‍ය අංශ ලබා දෙන මාර්ගෝපදේශ අනුව කටයුතු කරන ලෙසය.
සමාජ දුරස්ථභාවය ආරක්ෂා කර ගන්නා ලෙසත්, අනිවාර්ය නොවුණත් නිවසින් පිටතට යන්නේ නම් මුහුණු ආවරණ පලඳින ලෙසත් අග්‍රාමාත්‍යවරයා ජනතාවගෙන් ඉල්ලීමක් කර ඇත. ඊශ්‍රායල සෞඛ්‍ය අංශ ද නව මාර්ගෝපදේශ හඳුන්වා දීමට සූදානම් වෙයි.
ලොව අනෙක් රටවලට පෙර, 'ෆයිසර්' එන්නත ඊශ්‍රායල වැසියන් වෙනුවෙන් ලබා ගැනීම කළේ එරට හිටපු අග්‍රාමාත්‍ය බෙන්ජමින් නෙදන්යාහුය. නෙදන්යාහු එසේ කළේ 'ෆයිසර්' සමාගම සමඟ සෘජුව ගනුදෙනු කතා කර ගැනීමෙන් පසුවය.
'ඩෙල්ටා' විකෘතිය ආසාදනය වී ඇත්තේ ද 'ෆයිසර්' එන්නත් මාත්‍රා දෙකම ලබා ගත් අයට යැයි ඇතැම් ඊශ්‍රායල මාධ්‍ය වාර්තා කළත් එරට සෞඛ්‍ය අංශ ඒ බව තහවුරු කර නැත. මේ වනවිට නිපදවා ඇති ඉතාමත් සාර්ථක 'කොවිඩ් 19' ප්‍රතිශක්තිකරණ එන්නතක් ලෙස ලෝක සෞඛ්‍ය සංවිධානයේ අනුමැතිය ද 'ෆයිසර්' එන්නතට හිමිවී තිබේ. මේ අතර, 'ෆයිසර්' සමාගම පවසා ඇත්තේ ලොවට තර්ජනයක් වෙමින් පවතින 'ඩෙල්ටා' වයිරස විකෘති ප්‍රභේදයෙන් ආරක්ෂා වීමට අවශ්‍ය ප්‍රතිශකත්තිය ඇති කිරීමට තම එන්නතට හැකියාව ඇති බවය.
ටෙල් අවීව් නුවරදීය (රොයිටර්)
එක් මාවතක් එක් තීරයක් යන සංකල්පය ඔස්සේ, චීනය ක්‍රියාත්මක කර ඇති යටිතල පහසුකම් වර්ධනය කිරීමේ දැවැන්ත සංවර්ධන ව්‍යාපෘතියෙන් තමන් ඉවත් වන බව ඉතාලිය පවසා
ඇමෙරිකාවේ ලොස් ඇන්ජලීස් නුවර, නෙවාඩා විශ්ව විද්‍යාලයේ සිදුවුණු වෙඩි තැබීමකින් තිදෙනෙක් ජීවිතක්ෂයට පත්වූහ. විශ්ව විද්‍යාලයේ ආරක්ෂක අංශ නිලධාරීන් වෙ
ඉරානය, ඔවුන්ගේ මිසයිල වැඩසටහන තවත් පියවරක් ඉදිරියට ගෙන යමින්, ඔවුන්ගේම තාක්ෂණයෙන් නිපදවූ විශේෂ ‘ජීව කැප්සියුලයක්’ සාර්ථකව අභ්‍යවකාශයට යැවීය.
ඇමෙරිකාවෙන්, තමන්ට ටොන් 10,000 ක හමුදා උපකරණ තොගයක් ලැබුණු බව ඊශ්‍රායලය පවසයි. ඊශ්‍රායලය පවසන ආකාරයට, මෙම හමුදා උපකරණ ඔවුන්ට ලැබී ඇත්තේ පසුගිය ඔක්තෝබර් 7 වැ
මාර්ගයේ සිටි පරෙවි රංචුවක් හිතාමතා, මෝටර් රථය පදවා යට කළ ජපානයේ ටෝකියෝ අගනුවර කුලී රථ රියදුරකු පොලිස් විසින් අත්අඩංගුවට ගනු ලැබ තිබේ.
ඩුබායි හි පැවැත්වෙන ලෝක දේශගුණ ක්‍රියාකාරී සමුළුව අතරතුරේ, ඉතාලි අග්‍රාමාත්‍යවරිය වන ජෝර්ජියා මොලෝනී ට ඉන්දීය අග්‍රාමාත්‍ය නරේන්ද්‍ර මෝදි මුණ ගැසු
2023 නොවැම්බර් මස 19
979
0
අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”
2023 නොවැම්බර් මස 01
737
2
නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී
2023 සැප්තැම්බර් මස 06
4710
0
දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක
ඊශ්‍රායලයේ යළිත් කොරෝනා