ද්වීපාර්ශ්වීය සබඳතා තරකර ගැනීමේ අරමුණින්, බ්‍රසීලයේ නිල සංචාරයක යෙදෙන ඉන්දීය අග්‍රාමාත්‍ය නරේන්ද්‍ර මෝදිට, බ්‍රසීල ජනාධිපති ලූලා ද සිල්වා විසින්, එරට ඉහළම සිවිල් සම්මානය වන ද ‘ග්‍රෑන්ඩ් කොලර් ඔෆ් ද නැෂනල් ඕඩර් ඔෆ් ද සදර්න් ක්‍රොස්’ සම්මානය පිරිනමන ලදී.

බ්‍රසීල ජනාධිපතිවරයා මෙම ගෞරව සම්මානය ඉන්දීය අග්‍රමාතා්‍ය මෝදිට පිරිනැමුවේ, ද්විපාර්ශ්වික සබඳතා ශක්තිමත් කිරීමට සහ ප්‍රධාන ගෝලීය වේදිකාවල ඉන්දියා-බ්‍රසීල සහයෝගීතාව වැඩි දියුණු කිරීමට මෝදි දක්වන කැපී පෙනෙන දායකත්වය අගය කරමිනි.

අග්‍රාමාත්‍ය මෝදි බලයට පත් වූ දා සිට විදේශීය රජයක් විසින් ඔහුට පිරිනමනු ලැබූ 26 වැනි ජාත්‍යන්තර සම්මානය මෙය වීම ද විශේෂත්වයකි.