චීන ඔස්ට්රේලියාව උපායමාර්ගික ආර්ථික සංවාදය යටතේ පැවැති සියලු ක්රියාකාරකම් දින නියමයක් නොමැතිව කල් දැමීමට චීනය බ්රහස්පතින්දා පියවර ගත්තේ ය.
පසුගිය කාලයේ දී චීනය සහ ඔස්ට්රේලියාව අතර සම්බන්ධතා දිගින් දිගටම අර්බුදයට ගිය අතර චීනයේ මෙම තීරණයත් සමඟ එම අර්බුදය තවදුරටත් උග්ර වනු ඇතැයි පැවසේ.
ඔස්ට්රේලියාව නව කොරෝනා වයිරසායේ ආරම්භය සම්බන්ධයෙන් ස්වාධීන විමර්ශනයක් ඉල්ලා සිටීම සහ හුවාවි සමාගම එරට තුළ 5ජී ජාලය ස්ථාපිත කිරීමට කළ ඉල්ලීම ප්රතික්ෂේප කිරීම යනාදිය මුල් කරගනිමින් දෙරට අතර සම්බන්ධතා නරක අතට හැරෙන්නට පටන් ගැනිණි.
වයින් හා ගවමස් වැනි ඔස්ට්රේලියානු භාණ්ඩ මත සම්බාධක පැනවීමට ද චීනය පසුගිය වසරේ දී පියවර ගත්තේ ය.
ඔස්ට්රේලියාව “සීත යුද්ධ මානසිකත්වයකින්” පසුවන බව මේ අතරවාරයේ දී මාධ්ය නිවේදනයක් නිකුත් කරමින් චීනයේ “රාජ්ය කොමිෂන් සභාවක්” ඉකුත් දා චෝදනා කළේය.
“ඔස්ට්රේලියානු පොදු රාජ්ය මණ්ඩලයීය රජයේ ඇතැම් නිලධාරීන් පසුගිය දිනවලදී චීනය සහ ඔස්ට්රේලියාව අතර පවතින සාමාන්ය සම්බන්ධතා හා හුවමාරු මෙන්ම සහයෝගීතාවට බාධා කිරීමට විවිධ ක්රියාමාර්ග ගෙන තිබෙනවා. ඔවුන් මෙම කටයුතු කර තිබෙන්නේ සීත යුද්ධ මානසිකත්වයෙන් සහ මතවාදී ව” යැයි චීනයේ ජාතික සංවර්ධන හා ප්රතිසංස්කරණ කොමිෂන් සභාව නිවේදනනයක් නිකුත් කරමින් සඳහන් කළේය.
ආර්ථික සංවාදය අත්හිටුවීමට චීනය ගත් තීරණය සම්බන්ධයෙන් කනස්සල්ලට පත්වන බවත් එය බලාපොරොත්තු සුන්වීමක් බවත් ඊට ප්රතිචාර දක්වමින් ඔස්ට්රේලියාවේ වෙළෙඳ අමාත්ය ඩෑන් ටෙහාන් පැවැසීය.
ඔස්ට්රේලියාව තවමත් සාකච්ඡාවලට විවෘත බව ද හෙතෙම කීය.
“චීන-ඔස්ට්රේලියා උපායමාර්ගික ආර්ථිකය සංවාදය”, චීනය සමඟ තිබෙන ද්විපාර්ශවීය ආර්ථික සාකච්ඡාවලින් ප්රමුඛතම එකක් යැයි ඔස්ට්රේලියාව මීට පෙර අවස්ථාවකදී අවධාරණය කර තිබිණි.
මෙම තීරණයට පෙර දෙරට අතර අමාත්ය මට්ටමේ සන්නිවේදන කටයුතු නිල නොවන අයුරින් නවතා දැමීමට චීනය පියවර ගෙන තිබිණි.
චීනයේ මෙම ක්රියාමාර්ගය රාජ්ය තාන්ත්රික සම්බන්ධතා ඇවිරීමක් යැයි මේ සම්බන්ධයෙන් අදහස් දක්වමින් ඔස්ට්රේලියානු-චීන සම්බන්ධතා ආයතනයේ අධ්යක්ෂ ජේම්ස් ලෝරන්ස් පැවැසීය.
රොයිටර්
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
චීනය - ඔස්ට්රේලියාව සමඟ ආර්ථික සංවාදය නවතා දමයි