ඊශ්‍රායලයට එල්ල වූ හමාස් ප්‍රහාරයේ වගකීම බාරගෙන, ඊශ්‍රායල අග්‍රාමාත්‍ය බෙන්ජමින් නෙදන්යාහු වහාම ධුරයෙන් ඉවත් විය යුතු බව එරට විපක්ෂ නායක යාර් ලුපිඞ් පවසයි.

ඊශ්‍රායලයට හමාස් ත්‍රස්තවාදීන් දේශසීමා හරහා පහර දුන්නේ පසුගිය ඔක්තෝබර් 7 වැනිදාය. එය ඊශ්‍රායලයේ මොසාඞ් බුද්ධි අංශය ඇතුළු සෙසු බුද්ධි අංශවලටත් ආරක්ෂක අංශවලටත් එල්ල වුණු අතුල් පහරක් ලෙස සැලකෙයි. ‘මොසාඞ්’ යනු ලොව අති දක්ෂ බුද්ධි අංශයකි.

මොසාඞ් ඇතුළු ඊශ්‍රායල බුද්ධි අංශ සහ ආරක්ෂක අංශ දුර්වල වූයේ අග්‍රාමාත්‍ය නෙනද්යාහුගේ පරිපාලනයේ දුර්වලතා නිසා යැයි එම හමාස් ප්‍රහාරයේ වගකීම ඔහුට ද දැරීමට සිදුවනු ඇති බවත් විපක්ෂ නායක ලුපිඞ් පෙන්වා දී තිබේ. ඊශ්‍රායල අග්‍රාමාත්‍ය නෙදන්යාහුට එරෙහිව විශ්වාසභංගයක් පාර්ලිමේන්තුවට ගෙන ඒමට ද තමන් සූදානම් බව ලුපිඞ් වැඩි දුරටත් පැහැදිලි කර ඇත.