ඉන්දියාවේ මධ්‍ය ප්‍රදේශ් ප්‍රාන්තයේ, බෝපාල් අගනුවර, සත්පුර බවාන් ගොඩනැගිල්ලේ ගින්නක් හටගත්තේය. අගනුවර රජයේ කාර්යාල බොහොමයක් පිහිටා ඇත්තේ මහල් රැසකින් සමන්විත මෙම ගොඩනැගිල්ලේය.

ගින්න හටගත් අවස්ථාවේ ගොඩනැගිල්ලේ සිටි සියලු දෙනා ආරෙක්ෂිතව එයින් ඉවත් කෙරුණි. ගින්නෙන් ගොඩනැගිල්ලට දැඩි හානි සිදුවිය. ගින්න හටගත්තේ සවස 4 ට පමණය. ඒ ගොඩනැගිල්ලේ තෙවැනි මහලෙනි. එය සැණින් ඉහළින් වූ මහල් තුනකට පැතිර ගියේ යැයි පැවැසෙයි.

ගින්න නිවා දැමීමට ගිනි නිවන භටයන්ට පැය පහකට වැඩි කාලයක් ගත විය. ඉන්දීය ගුවන් හමුදාවේ ද සහාය ගිනි නිවන භටයන්ට හිමිවිය. ඒ, ප්‍රාන්ත මහ ඇමැති ශිවරාජ් සිං කෞහාන්, ආරක්ෂක ඇමැති රාජ්නාත් සිංගෙන් කළ ඉල්ලීමකට අනුවය. ඒ අනුව, ඉන්දීය ගුවන් හමුදාවේ ඒඑන් 22 ගුවන් යානයක් සහ එම්අයි. හෙලිකොප්ටර් යානා බෝපාල් අගනුවරට යැවීම සිදුවිය.

සත්පුර බවාන් ගොඩනැගිල්ලේ මහා ගින්නක් පැතිරෙන බව ප්‍රාන්ත මහ ඇමැතිවරයා ඉන්දීය අග්‍රාමාත්‍ය නරේන්ද්‍ර මෝදිට ද දැනුම් දුන් බව ඉන්දීය මාධ්‍ය වාර්තා කර තිබේ.