එසැණ පුවත්

බදුගම හැර මතුගම අගුලු අරී

කලුතර දිස්ත්‍රික්කයේ මේ වන විට හුදකලා කර ඇති ගම්වලින් මතුගම ප්‍රාදේශිය ලේකම් කොට්ඨාසයේ බදුගම නව ජනපද ගම්මානය හැර සෙසු සියලු ගම්මාන හුදකලා ගම්මාන ලෙස නම් කිරීමෙන් ඉවත් කර තිබේ. කොවිඩ් 19 වැළැක්වීමේ ජාතික ක්‍රියාන්විත මධ්‍යස්ථානය මේ බව දැනුම් දී ඇත.

29 October 2020

තඹුත්තේගම ආර්ථිකයේ වෙළෙඳසැල් 11 ක් වසා දමයි

තඹුත්තේගම ආර්ථික මධ්‍යස්ථානයේ වෙළදසැල්11ක් අද (29)දින සිට තාවකාලිකව වසා දැමිමට කටයුතු කළ බව තඹුත්තේගම සෞඛ්‍ය වෛද්‍ය නිලධාරි වෛද්‍ය මිලාන් යහතුගොඩ මහතා පැවසිය.

29 October 2020

ඇහැලියගොඩට සංචරණ සීමා

ඇහැලියගොඩ පොලිස් බල ප්‍රදේශය තුළ අද (29) රාත්‍රි 12 සිට ලබන 02 වනදා එනම් සදුදා උදෑසන පහ දක්වා සංචරණ සීමාවන් පැනවිමට ඇහැලියගොඩ ප්‍රාදේශීය කොරොනා මර්දන කමිටුව තීරණය කළේය .

29 October 2020

අද දිනයේදී කොරෝනා අසාදිතයන් 335 ක්

මිනුවන්ගොඩ හා පෑලියගොඩ කොරෝනා පොකුරෙන් අද (28) පස්වරු 10.35 වන විට වාර්තා වු ආසාදිතයන් 124 දෙනාත් සමග, දිනය තුළ වාර්තා වූ ‍සමස්ත ආසාදිතයන් සංඛ්‍යාව 335 ක් දක්වා ඉහළ ගියේය.

28 October 2020

පක්ෂ නායකයෝ හෙට රැස්වෙති

පාර්ලිමේන්තුවේ ඉදිරි කටයුතු සාකච්ඡා කර ගැනීම සදහා හෙට (29) දහවල් පක්ෂ නායකවරුන්ගේ රැස්වීමක් කැඳවා ඇතැයි විදේශ සබඳතා අමාත්‍ය දිනේෂ් ගුණවර්ධන මහතා පැවසීය.

28 October 2020

පෝ දා පිංකම්වලට 50 කට වඩා එපා

වප් පුර පසළොස්වක පොහෝ දිනය යෙදී ඇති අනිද්දා (30) දිනයේදී බස්නාහිර පළාතෙන් පිට විහාරස්ථානවල ද පවත්වන පිංකම් සඳහා 50 දෙනෙකුට අඩු සංඛ්‍යාවක් පමණක් සහභාගී කරවා ගන්නැයි ඉල්ලීමක් කරන බව සෞඛ්‍ය ප්‍රවර්ධන කාර්යාංශයේ අධ්‍යක්‍ෂ විශේෂඥ වෛද්‍ය පාලිත කරුණාප්‍රේම මහතා පැවසීය.

28 October 2020

මිනුවන්ගොඩ-පෑලියගොඩ පොකුරට තවත් 211 ක් එක්වෙති

මිනුවන්ගොඩ සහ පෑලියගොඩ කොරෝනා පොකුරට අද(28) මේ වනවිට ආසාදිතයන් 211දෙනෙකු එකතු වී තිබේ.

28 October 2020

’ශක්තිමත් ශ්‍රී ලංකාවක් යනු ඇමරිකාවට උපායමාර්ගික පාර්ශ්වකරුවෙක්’

ශක්තිමත් සහ ස්වෛරී ශ්‍රී ලංකාවක් යනු ලෝක මට්ටමේදී ඇමෙරිකා එක්සත් ජනපදයට බලවත් සහ උපායමාර්ගික පාර්ශවකරුවෙකු යැයි ඇමෙරිකානු රාජ්‍ය ලේකම් මයික් පොම්පියෝ මහතා කොළඹදී අද (28) ප්‍රකාශ කළේය.

28 October 2020

කොළඹ මහජන ආධාර හෙට සිට

කොළඹ මහනගර සභාවට අයත් මහජන ආධාර දෙපාර්තමේන්තුව දින 12කට පසු හෙට(29) සිට යළිත් ආරම්භ වන බව කොළඹ නගරාධිපතිනි රෝසි සේනානායක මහත්මිය පැවසුවාය.

28 October 2020

ලක්ෂ 35ක මත්කුඩු පිළියන්දලින් අල්ලයි

වැලිකඩ බන්දනාගාරයේ සිර දඬුවම් විඳින රැඳවියෙකු මෙහෙයවන හොරෙයින් මත් කුඩු ජාලයකට සම්බන්ධ සිවුදෙනකු රුපියල් ලක්ෂ 35 මත්කුඩු සමග අද (28) පිළියන්දල බෝකුන්දර ප්‍රදේශයේදී අත්අඩංගුවට ගත් බව පිලියන්දල පොලිසිය කියයි.

28 October 2020

තලවකැලේ ලිදුල නගර සභාවේ සභාපතිගේ ධුරය අත්හිටුවයි

තලවකැලේ ලිදුල නගර සභාවේ වත්මන් සභාපති අසෝක සේපාල මහතාගේ ධුරය මධ්‍යම පළාත් ආණ්ඩුකාර ලලිත් යු ගමගේ මහතා විසින් වහාම ක්‍රියාත්මක වන පරිදි අද(28) දින සිට තාවකාලිකව අත්හිටුවා තිබේ.

28 October 2020

ශ්‍රී ලංකාවේ සංවර්ධනයට නොපැකිළව උදව් කරන්න සූදානම්

ආර්ථික සංවර්ධන ඉලක්ක සපුරා ගැනීම සඳහා ශ්‍රී ලංකාව සමග අඛණ්ඩ සහයෝගයෙන් ක්‍රියාකිරීමට සූදානම් යයි අමෙරිකා එක්සත් ජනපදයේ රාජ්‍ය ලේකම් මයික් පොම්පියෝ මහතා අද (28) පැවසීය. දෙරට අතර දැනටමත් පවත්නා ශක්තිමත් ද්විපාර්ශ්වික සබඳතා තවදුරටත් වර්ධනය කර ගැනීම තම රටේ අරමුණ බව රාජ්‍ය ලේකම්වරයා කීය.

28 October 2020

ලියාපදිංචි නැති ඖෂධ රජයේ රෝහල්වල භාවිතය වරදක්

ජාතික ඖෂධ නියාමන අධිකාරියේ ලියාපදිංචි කර නැති ආයුර්වේද ඖෂධමය පැණියක් බටහිර වෛද්‍ය ක්‍රමය භාවිතා වන රජයේ රෝහල්වල භාවිතා කිරීම නීතීවිරෝධී කටයුත්තකැයි ළමා රෝග හා අසාත්මිකතා පිළිබඳ විශේෂඥ වෛද්‍යවරයකු වන අජිත් අමරසිංහ මහතා පෙන්වා දෙයි.

28 October 2020

ෂරියා විශ්වවිද්‍යාලය කොරෝනා ප්‍රතිකාර මධ්‍යස්ථානයක් වෙයි

ජනාධිපති ගෝඨාභය රාජපක්‍ෂ මහතාගේ උපදෙස් පරිදි මඩකළපුව පුනානී ප්‍රදේශයේ පිහිටි ෂරියා විශ්ව විද්‍යාලය කොරෝනා රෝගීන් සඳහා ප්‍රතිකාර ලබාදෙන කොවිඞ් 19 විශේෂ ප්‍රතිකාර මධ්‍යස්ථානයක් බවට අද (28) සිට පත්කළ බව පොළොන්නරුව මහ රෝහලේ අධ්‍යක්‍ෂ,විශේෂඥ වෛද්‍ය සම්පත් ඉන්දික කුමාර මහතා පවසයි.

28 October 2020

අධිවේගී මාර්ගයේ බස් රථ කොට්ටාවේ සිට

අධිවේගී මාර්ගයේ ගමන් ගන්නා මගී ප්‍රවාහන බස්රථ කොට්ටාවේ සිට ධාවනය වන බව ශ්‍රී ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරී(ධාවන) ඒ. එච්. පණ්ඩුක මහතා ලංකාදීපයට පැවසීය.

28 October 2020

අබලි ද්‍රව්‍ය මුතුරාජවෙලට ගෙනයාම තහනම්

අබලි ද්‍රව්‍ය රැගත් ටිපර් රථ මුතුරාජවෙල තෙත් බිමට ඇතුළු කිරීම වහාම ක්‍රියාත්මක වන පරිදි තහනම් කරන්නැයි මහින්ද අමරවීර මහතා මධ්‍යම පරිසර අධිකාරියට අද (28) පෙරවරුවේ නියෝග කළේය.

28 October 2020

‘නගර සභා රැස්වීමට කවුරු විරුද්ධ වුවත් පවත්වනවා’

කවුරුන් විරුද්ධ වුවත් කොළඹ මහ නගර සභා රැස්වීම හෙට (29) අනිවාර්යෙන්ම පවත්වන බව කොළඹ නගරාධිපතිනි රෝසි සේනානායක මහත්මිය පැවසුවාය.

28 October 2020

තලවකැලේ වටගොඩ නගරය වසා දමයි

තලවකැලේ, වටගොඩ නගරය අද (28) දහවල් සිට වසා දැමීමට පියවර ගෙන තිබේ.

28 October 2020

බස්නාහිර පළාතටම හෙට සිට ඇඳිරිනීතිය

හෙට මධ්‍යම රාත්‍රියේ සිට ක්‍රියාත්මක වන පරිදි නොවැම්බර් 2 වැනිදා උදෑසන 5 තෙක් බස්නාහිර පළාතට නිරෝධායන ඇදිරිනීතිය ක්‍රියාත්මක කරන බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා පැවසීය .

28 October 2020

පානදුර නගරාධිපතිගේ රියදුරුට කොරෝනා

පානදුර නගරාධිපති නන්දන ගුණතිලක මහතාගේ රියදුරු ට කොරෝනා වෛරසය ආසාදිත වී ඇතැයි පානදුර සෞඛ්‍ය වෛද්‍ය නිලධාරී කාර්යාලය කියයි.

28 October 2020

යාපනයේ ගම් දෙකකට සීමා පනවයි

පෑලියගොඩ ‍මාළු තොග වෙළඳ සංකීර්ණයට ගිය යාපනයේ මාලු ව්‍යාපාරිකයින් දෙදෙනෙකුට කොවීඩ් 19 වයිරසය වැළඳී ඇති බවට තහවුරු වී ඇතැයි යාපනය මහජන සෞඛ්‍ය පරික්ෂක කාර් යාලය පවසයි.

28 October 2020

අයියාට පිහියෙන් ඇන මල්ලී වාහනයකට පැන දිවි නසා ගනී:මවත් ඇද යට මිය ගිහින්

මල්ලී විසින් තම අයියාට පිහියෙන් ඇන අනතුරුව අධිවේගී මාර්ගයේ ධාවනය වෙමින් තිබු ලොරියකට පැන දිවි නසාගෙන ඇති බවත් එම සිදුවීම පිළිබඳව පරීක්ෂණය සිදු කිරීමේදී ඔවුන් දෙදෙනාගේ මවද නිවසේ ඇඳක් යට මිය ගොස් සිටිනු සොයා ගත් බවත් මතුගම පොලිසිය පවසයි.

28 October 2020

තවත් කොරෝනා ආසාදිතයන් 164 ක් හඳුනා‍ගැනේ

මිනුවන්ගොඩ හා පෑලියගොඩ කොරෝනා පොකුරෙන් අද (27) පස්වරු 9.45 වන විට තවත් ආසාදිතයන් 164 දෙනකු වාර්තා වී තිබේ.

27 October 2020

මොරටුව - පානදුර - හෝමාගම ‍මෙතැන් සිට ඇඳිරිනීතිය

වහාම ක්‍රියාත්මක වන පරිදි හෝමාගම, මොරටුව, පානදුර උතුර සහ පානදුර දකුණ පොලිස් බල ප්‍රදේශවලට නැවත දැනුම්දෙන තුරු නිරෝධායන ඇඳිරි නීතිය පනවා ඇතැයි කොවිඩ්-19 පැතිරීම වැළැක්වී‍මේ ජාතික ක්‍රියාන්විත මධ්‍යස්ථානය නිවේදනය කරයි.

27 October 2020

කුරුණෑගල නීතීඥවරු අධිකරණ කටයුතුවලින් ඉවත් වෙති

රට තුළ උද්ගතව පවතින කොරෝනා වසංගත තත්ත්වය හේතුවෙන් කුරුණෑගල ක්‍රියාත්මක සියලු ම අධිකරණ සේවා කටයුතු වලින් හෙට (28) දිනයේ සිට ලබන 01 දින දක්වා ඉවත් වීමට තීරණය කළ බව කුරුණෑගල නීතීඥ සංගමයේ ලේකම් පියුමාල් හේරත් මහතා ප්‍රකාශ කළේය.

27 October 2020

සඳ මත ජලය ඇති බව තහවුරු වෙයි

සඳ මත ජලය පවතින බව ප්‍රථම වරට විද්‍යාඥයින් විසින් සනාථ කර තිබේ. ඔවුන් පවසන්නේ සඳෙහි සූර්යයාට මුහුණලා ඇති පැත්තේ ජලය ඇති බවට පැහැදිලි සාක්ෂි තිබෙන බවයි.

27 October 2020

රටම වසාදැමීමේ සූදානමක් නැහැ

‘කොවිඩ්-19’ වයිරසය හේතු කොටගෙන රට වසා දැමීමේ සූදානමක් නැතැයි ජනාධිපති ගෝඨාභය රාජපක්ෂ මහතා ඊයේ (26) පැවැති කැබිනට් රැස්වීමේදී ප්‍රකාශ කර ඇත.

27 October 2020

ඇඳිරි නීති පෙදෙස්වලට දින 2ක් වෙළඳසැල් - ඔසුසල් විවෘතයි

නිරෝධායන ඇඳිරි නීතිය පනවා ඇති පොලිස්බල ප්‍රදේශ තුළ අත්‍යවශ්‍ය ආහාර ද්‍රව්‍ය අලෙවිසැල් හා ඖෂධහල් සතියට දින 2ක් විවෘතව තැබීමට අවසර ලබා දී ඇතැයි කොරෝනා පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

27 October 2020