එසැණ පුවත්

පාසල්වලට සිසුන් ගන්න නව චක්‍රලේඛයක් එයි

පාසල් වල 5 සහ 6 ශ්‍රේණි හැර 2 ශ්‍රේණියේ සිට 11 ශ්‍රේණිය දක්වා සිසුන් ඇතුළත් කිරීම සඳහා නව චක්‍රලේඛ උපදෙස් නිකුත් කිරීමට කැබිනට් අනුමැතිය ලැබී ඇත.

31 March 2026

රාජ්‍ය වෙසක් උත්සවය මාතරට

රාජ්‍ය වෙසක් මහෝත්සවය මාතර දිස්ත්‍රික්කය කේන්ද්‍ර කර ගනිමින් පැවැත්වීමට කැබිනට් අනුමැතිය ලැබී ඇත.

31 March 2026

රටවල් 39 කට නොමිලේ සංචාරක වීසා

රටවල් 39 ක විදේශ ගමන් බලපත්‍ර දරන්නන් සඳහා නොමිලේ සංචාරක විසා නිකුත් කිරීමට කැබිනට් අනුමැතිය ලැබී ඇත.

31 March 2026

ඉෂාරාගේ උපන්දින කේක් සිද්ධියට OIC ට මාරුවක්

ඉෂාරා සෙව්වන්දි නැමති සැකකාරියගේ උපන්දින සාදය කොළඹ අපරාධ කොට්ඨාසය තුළ සැමරීමට අවශ්‍ය අවකාශ සැලසූ එහි ස්ථානාධිපතිවරයා වහාම ක්‍රියාත්මක වන පරිදි පොලිස් ක්‍ෂේත්‍ර බළකා මූලස්ථානය වෙත මාරුකර යැවීමට පොලිස්පති නීතීඥ ප්‍රියන්ත වීරසූරිය මහතා විසින් නියෝග කර ඇතැයි පොලිස් මාධ්‍ය ප්‍රකාශක නීතිවේදී උදය කුමාර වුට්ලර් මහතා පැවසීය.

31 March 2026

ඉන්ධන මිලට රජයෙන් සහනයක්

රජය විසින් සහන සැලසීම මඟින් ඉන්ධන මිල පාලනය කිරීමට කැබිනට් අනුමැතිය ලැබී ඇත.

31 March 2026

’’සුගතදාස’’ කෝටි පහමාරක් වැරදි පාරෙන් තැන්පතු දාලා

සුගතදාස ජාතික ක්‍රීඩා සංකීර්ණ අධිකාරිය රුපියල් පන් කෝටි පනස් ලක්ෂයක මුදලක් 2023 වර්ෂයේදී නිසි අනුමැතියකින් තොරව ස්ථාවර තැන්පතුවල ආයෝජනය කර ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

31 March 2026

පුරාවිද්‍යා ලොක්කෝ පුරාවස්තු වාර්තාවෙන් කට්ටි පැනලා

පුරාවිද්‍යා දෙපාර්තමේන්තුව විසින් ගැසට් මගින් ප්‍රකාශයට පත් කරන ලද සහ ගැසට් මගින් ප්‍රකාශයට පත් නොකරන ලද පුරාවස්තූ පිළිබඳ වාර්තාව මාසයක් ඇතුළත කාරක සභාවට දෙන ලෙස රජයේ ගිණුම් පිළිබඳ පාර්ලිමේන්තු කාරක සභාව(කෝපා) එහි නිලධාරීන්ට නිර්දේශ කර ඇත.

31 March 2026

විදුලියේ ගැටලුවලට කම්කරු නි: ඇමතිගෙන් විසඳුම්

ලංකා විදුලිබල මණ්ඩලය නියෝජනය කරන වෘත්තීය සමිති නියෝජිතයින්, අලුතින් ස්ථාපනය කරන ලද රාජ්‍ය සමාගම්වල සභාපතිවරුන් සමග සාකච්ඡාවක් කම්කරු නියෝජ්‍ය අමාත්‍ය මහින්ද ජයසිංහ මහතාගේ ප්‍රධානත්වයෙන් කම්කරු අමාත්‍යංශයේදී ඊයේ පැවැත්විණි.

31 March 2026

බලශක්ති ඇමති ඉල්ලා අස්වෙන්න

චෝදනා තියෙන බලශක්ති ඇමති ඉල්ලා අස්වන්නැයි පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

31 March 2026

රයිස් - කොත්තු මිල ඉහළ යයි

විදුලි ගාස්තු ඉහළ දැමීමට සාපේක්ෂ ෆ්‍රයිඩ් රයිස් සහ කොත්තු මිල රුපියල් 30කින් ඉහළ දැමූ බවත් නව මිල අද (31) මධ්‍යම රාත්‍රියේ සිට ක්‍රියාත්මක වන බවත් ආපනශාලා හිමියන්ගේ සංගමය පැවසීය.

31 March 2026

කොතල හිඹුටු සමඟ විදේශිකයා මාට්ටු

ලෝකයේ ජනප්‍රිය ශ්‍රී ලංකාවේ තේ සන්නාමය සහිත ඇසුරුම් , භාවිතා කරමින් , කොතළ හිඹුටු තොගයක් නීතිවිරෝධී ලෙස චීනය වෙත රැගෙන යාමට තැත් කළ එරට වැසියෙකු අද(31 ) කටුනායක ගුවන් තොටුපොළ පිටත්වීමේ පර්යන්තයේ සේවය කළ රේගු නිලධාරීන් පිරිසක් විසින් අත් අඩංගුවට ගෙන තිබේ .

31 March 2026

හොඳින් හෝ නරකින් හෝමූස් විවෘත කරනවා

ඇමෙරිකා-ඊශ්‍රායල-ඉරාන යුද්ධය දිනෙන් දින උණුසුම් වෙද්දී, හෝමූස් සමුද්‍ර සන්ධිය හොඳින් හෝ නරකින් විවෘත කිරීමට ඇමෙරිකාව කටයුතු කරන බව ඇමෙරිකා රාජ්‍ය ලේකම් මාර්කෝ රූබියෝ පවසයි.

31 March 2026

ඉරාන යුද්ධයට යන වියදම අරාබි රටවලින් ඉල්ලා ගන්නවා

ඉරානය සමඟ යුද වැදීමට ඇමෙරිකාවට ඇමෙරිකන් ඩොලර් බිලියන ගණනක් වැය වී ඇති බැවින්, එම මුදල ඇමෙරිකන් හිතවාදී අරාබි ගල්ෆ් කලාපීය රටවලින් අය කර ගැනීමට ඇමෙරිකා ජනාධිපති ඩොනල්ඩ් ට්‍රම්ප් සූදානම් වෙයි.

31 March 2026

දෙදරු පියාගේ සිරුර බෝක්කුවක් යට

දින දෙකක් තිස්සේ නිවසින් අතුරුදහන්ව සිටි දෙදරු පියෙකුගේ සිරුර හැටන් කොළඹ ප්‍රධාන මාර්ගයේ හැටන් ස්ට්‍රැඩන් වත්ත ප්‍රදේශයේ බෝක්කුවත් තුල තිබි අද(31) සොයා ගත්බව හැටන් පොලිසිය පැවසීය.

31 March 2026

ඉරානයේ ජල පිරිපහදුවලට පහර දෙන්න ට්‍රම්ප් සැරැසෙයි

ඉරානයේ ජල පිරිපහදු ඉලක්ක කර ගනිමින් ප්‍රහාර එල්ල කිරීමට ඇමෙරිකා හමුදාව සූදානම් බව ඇමෙරිකන් ජනාධිපති ඩොනල්ඩ් ට්‍රම්ප් පවසයි.

31 March 2026

ඇෆ්ගනිස්තානයට පාකිස්තානයට මහ වැසි

ඇෆ්ගනිස්තානයට සහ පාකිස්තානයට මහ වැසි ඇදහැලෙමින් පවතී. විදෙස් මාධ්‍ය වාර්තා කළේ මහ වැසි හේතුවෙන් හටගත් හදිසි ජල ගැලීම්, නායයෑම් හේතුවෙන් දෙරටේ 45 දෙනෙකු මියගොස් ඇති බවත් දස දහසකට ආසන්න පිරිසකට උන්හිටිතැන් අහිමිවී ඇති බවත්ය.

31 March 2026

වී මෝලේ ගබඩාවේ යුරියා මිටි 3460 සඟවලා

නීති විරෝධිව යුරියා කිලෝ පනහේ මිටි 3‍,460ක් ගබඩා කර තිබු මරදන්කඩවල,කවුඩාව ප්‍රදේශයේ පිහිටි වී මෝලකට අයත් ගබඩාවකට ඊයේ(30)දින මුද්‍රා තබන ලද බව ජාතික පොහොර ලේකම් කාර්යාලය කියයි.

31 March 2026

හැටන් චණ්ඩි ළමෝ සුරැකුම් බාරයට

හැටන් නගරයේ ප්‍රධාන පාසලක ශිෂ්‍ය නායකයෙකුට පහර දුන්නේ යැයි කියන සිද්ධියක් සම්බන්ධයෙන් හැටන් පොලිස් භාරයට ගැනුණ ළමුන් තිදෙනා අධිකරණයට යොමු කිරීමෙන් අනතුරුව ඔවුන් ලබන මස 6 වැනිදා තෙක් වෙිරලවත්ත ළමා සුරැකුම් මධ්‍යස්ථානයට බාර දෙන්නැයි හැටන් දිසා අධිකරණ විනිසුරු සහ මහේස්ත්‍රාත් පීටර් පෝල් මහ ඊයේ (30) නියෝග කළේය.

31 March 2026

සිසු අපයෝජනයට විදුහල්පති අත්අඩංගුවේ

සිසුවෙකු අපයෝජනය කළැයි කියන සිදුවීමක් සම්බන්ධයෙන් මාතලේ ප්‍රදේශයේ පාසලක විදුහල්පතිවරයා අද (31) අත්අඩංගුවට ගත් බව පොලීසිය කියයි.

31 March 2026

පොලිසියේ ලොකු පුටු 21කට ස්ථාන මාරු

පොලිස් අධිකාරීවරයකු, සහකාර පොලිස් අධිකාරීවරුන් 7 දෙනකු සහ ප්‍රධාන පොලිස් පරීක්ෂකවරුන් 14 දෙනකුට වහාම ක්‍රියාත්මක වන පරිදි ස්ථාන මාරු ලබාදී ඇති බව පොලිස් මූලස්ථානය පවසයි.

31 March 2026

ශිෂ්‍යත්ව විභාගයට අයැදුම්පත් කැඳවයි

2026 ශිෂ්‍යත්ව විභාගය සඳහා අද(30) සිට අප්‍රේල් 30 දක්වා මාර්ගගතව අයැදුම්පත් කැඳවන බව විභාග දෙපාර්තමේන්තුව පවසයි.

30 March 2026

ලබන අයවැයට දැන් සිටම සූදානමක්

සමාජය සවිබල ගැන්වීම සහ ආර්ථික ප්‍රතිලාභ සාධාරණව බෙදී යාම සහතික කිරීම සඳහා වත්මන් රජය විසින් ක්‍රියාත්මක කරනු ලබන “ප්‍රජාශක්ති” ජාතික වැඩසටහනේ ප්‍රගතිය විමසා බැලීමේ සාකච්ඡාවක් ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීමේ අමාත්‍ය උපාලි පන්නිලගේ මහතාගේ ප්‍රධානත්වයෙන් ජනාධිපති ලේකම් කාර්යාලයේදී අද (30) පස්වරුවේ පැවැත්විණි.

30 March 2026

ඇමතිලාගේ “තෙල්” තුනෙන් එකකින් කපයි

සියලූම ඇමතිවරුන් සහ නියෝජ්‍ය ඇමතිවරුන් සිය ඉන්ධන කෝටාව තුනෙන් එකකට වැඩි ප්‍රමාණයකින් ස්වේච්ඡාවෙන්ම අඩුකරගෙන අැති බව රාජ්‍ය පරිපාලන පළාත් සභා හා පළාත් පාලන අමාත්‍ය මහාචාර්ය චන්දන අබයරත්න මහතා පැවසීය.

30 March 2026

හවස තුනෙන් පසු AC තහනම්

සියලුම රාජ්‍ය සහ ව්‍යවස්ථාපිත ආයතන වල වායු සමීකරණ යන්ත්‍ර පස්වර 3න් පසුව අක්‍රීය කළ යුතු බව අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා ඉන්ධන හා බලශක්තිය පාවිච්චි කිරීම සම්බන්ධයෙන් මාර්ගෝපදේශ මාලාවක් නිකුත් කරමින් සඳහන් කරයි.

30 March 2026

ශ්‍රීලන්කන් සභාපති ඉල්ලා අස්වෙයි

ශ්‍රීලන්කන් ගුවන් සමාගමේ සහ ශ්‍රීලන්කන් කේටරින් සමාගමේ සභාපති සරත් ගනේගොඩ මහතා එම තනතුරෙන් ඉල්ලා අස්වී තිබේ.

30 March 2026

ඉදිරි සතිවල ජල කප්පාදුවක්

රටපුරා පවතින උණුසුම් කාලගුණ තත්ත්වයත් සමග ඉදිරි සති දෙක තුන තුළ දී දිනකට පැය කිහිපයකට ජල සැපයුම සීමා කිරීමට සිදුවනු ඇතැයි ජාතික ජල සම්පාදන හා ජලාපවහන මණ්ඩලය පවසයි.

30 March 2026

’’ලක්විජයට’’ මැතිසබා කමිටුවෙන් නියෝගයක්

නොරොච්චෝලේ ලක්විජය බලාගාරයෙන් පිටවන වන අළු පරිසර හිතකාමී ලෙස බැහැර කිරීම සඳහා සැලැස්මක් වහාම සකස් කරන ලෙස පරිසරය, කෘෂිකර්මය සහ සම්පත් තිරසාරත්වය පිළිබඳ ආංශික අධීක්ෂණ කාරක සභාව නිලධාරීන්ට උපදෙස් දුන්නේය

30 March 2026

අතුරුදන් වූ මැණික් ව්‍යාපාරිකයාගේ සිරුර මැණික් පතලක

කහවත්ත නීලගම මාර්ගයේ දී ඉකුත් 28 වැනි දා අතුරුදන් වූ මැණික් ව්‍යාපාරිකයාගේ සිරුර කහවත්ත කහවතුකන්දේ අතහැරදමා තිබූ මැණික් පතලක තිබී අද හමු වූ බව කහවත්ත පොලිසිය කියයි.

30 March 2026