එසැණ පුවත්

ඉන්දීය මහ මැතිවරණය අවසන් අදියරේ

ඉන්දීය මහ මැතිවරණයේ අවසන් අදියර, අද (1) ආරම්භ වෙයි. මාස දෙකකට වැඩි කාලයක් තිස්සේ පැවැත්වෙන මහ මැතිවරණයේ ඡන්ද ගණන් කිරීම ලබන 4 වැනිදා සිදුවන අතර, එසැණින් ප්‍රතිඵල ද නිකුත් කෙරෙනු ඇත.

01 June 2024

හිටපු ජනපති සූමා යළි බලයට එන ලකුණු

දකුණු අප්‍රිකා ජනාධිපතිවරණයෙන්, පාර්ලිමේන්තු මැතිවරණයෙන් සහ පළාත් පාලන මැතිවරණයේ ප්‍රතිඵල මේ වනවිට නිකුත් වී අවසන් ය. කිසිදු පක්ෂයකට බහුතර බලයක් හිමි නොවුණු අතර, හිටපු ජනාධිපති ජේකොබ් සූමා සහ අභිනවයෙන් පිහිටුවූ ‘එම්.කේ.’ පක්ෂය පවසා ඇත්තේ ඔවුන්ට හිතවත් සෙසු පක්ෂ හවුල් කර ගනිමින් සන්ධාන රජයක් පිහිටුවන බවය.

01 June 2024

ඉන්ධන මිල පහළට

මාසික මිල සූත්‍රයට අනුව ඉන්ධන මිල අද මධ්‍යම රාත්‍රයේ සිට පහළ දමා ඇතැයි සිපෙට්කෝ සමාගම නිවේදනය කරයි.

31 May 2024

ලිංගික අල්ලසට ඇඟිල්ල දිගු වූ නිලදරුවා කලින්ම ගෙදර යයි

කාන්තාවන්ට අයුතු යෝජනා කරමින් විනය විරෝධී ලෙස හැසිරී ඇතැයි පැවසෙන පාර්ලිමේන්තුවේ අංශ ප්‍රධානියා සම්බන්ධයෙන් විමර්ශන ආරම්භ කිරීමෙන් පසු ඔහු නියමිත කාලයටත් පෙර විශ්‍රාම යෑමට තීරණය කර ඒ බව පාර්ලිමේන්තු ප්‍රධානීන්ට දැනුම්දී ඇතැයි වාර්තාවේ.

31 May 2024

සයිටම් - නෙවිල් ප්‍රනාන්දු රෝහල මොරටු සරසවියට

දකුණු ආසියානු තාක්ෂණ හා වෛද්‍ය ආයතනය (SAITM) සහ නෙවිල් ප්‍රනාන්දු ශික්ෂණ රෝහල (NFTH) එළඹෙන අගෝස්තු මාසයේදී මොරටුව විශ්වවිද්‍යාලයේ වෛද්‍ය පීඨයට භාර දීමට නියමිත බව ජනාධිපති කාර්යාලය පවසයි.

31 May 2024

අනධ්‍යයන වර්ජකයන්ට හොඳම විසඳුම දෙනවා

ඉල්ලීම් කිහිපයක් මුල් කර ගනිමින් වර්ජනයේ යෙදී සිටින විශ්වවිද්‍යාල අනධ්‍යන කාර්ය මණ්ඩල වෘත්තීය සමිති සමඟ එළඹෙන සඳුදා (3) සාකච්ඡා කරන බව උසස් අධ්‍යාපන රාජ්‍ය අමාත්‍ය ආචාර්ය සුරේන් රාඝවන් මහතා පැවසීය.

31 May 2024

ජුනි දෙවැනි සතියේ සිට වැඩිහිටි දීමනාව යළිත්

අස්වැසුම සුබසාධක යෝජනා ක්‍රමය ක්‍රියාත්මක වීමත් සමඟ මෙතෙක් ලබා දුන් වැඩිහිටි දීමනා නතර වී නැතැයි සුබසාධක ප්‍රතිලාභ මණ්ඩලය පවසයි.

31 May 2024

විදුලි බිල අඩු කරන හැටි කොමිසම කියයි

ලංකා විදුලිබල මණ්ඩලය විදුලි ගාස්තු අඩු කිරීම සඳහා වන යෝජනාව ඉදිරි සති දෙක තුළ මහජන උපයෝගිතා කොමිසමට ඉදිරිපත් කළ හොත් ජූලි මස මැද වන විට ගාස්තු අඩු කිරීම ක්‍රියාත්මක කළ හැකි බව මහජන උපයෝගිතා කොමිසමේ සභාපති මහාචාර්ය මංජුල ප්‍රනාන්දු මහතා පැවසීය.

31 May 2024

ත්‍රිපෝෂ නිෂ්පාදනයට අවසර

ත්‍රිපෝෂ නිෂ්පාදනයට සෞඛ්‍ය අමාත්‍යාංශය යළි අවසර ලබා දී ඇත.

31 May 2024

’’රනිල් කළ දෙයින් සෑහිමකට පත් වෙන්න බෑ’’

රනිල් වික්‍රමසිංහ ජනාධිපතිවරයා රට යම්තාක් දුරකට ස්ථාවර කළත් එයි සෑහිමකට පත්වෙන්න බැරි බව සමගි ජන බලවේගයේ කොළඹ දිස්ත්‍රික් මන්ත්‍රී අජිත් මාන්නප්පෙරුම මහතා පැවසීය.

31 May 2024

ඈත මුහුදේ කැඩුනු යාත්‍රාවේ ධීවරයන් හයක් බේරා ගැනෙති

දෙවුන්දර තුඩුවේ සිට කිලෝ මීටර් 889 ක් පමණ දුරින් වූ ගැඹුරු මුහුදේදී ආපදාවට ලක් වූ මෙරට බහුදින ධීවර යාත්‍රාවක සිටි ධීවරයෝ හය දෙනෙකු ජපන් වෙළෙද නෞකාවකට දැනුම්දීමෙන් අනතුරුව අද දින නිරුපද්‍රිතව බේරාගත් බව නාවික හමුදා මාධ්‍ය ප්‍රකාශක ගයාන් වික්‍රමසූරිය මහතා පැවැසීය.

31 May 2024

උද්ධමනය සියයට 0.9ක් දක්වා පහළට

ජාතික පාරිභෝගික මිල දර්ශකය අනුව මෙම මස (මැයි) මෙරට උද්ධමනය සියයට 0.9 ක් දක්වා පහළ ගොස් ඇතැයි ජනලේඛන හා සංඛ්‍යාලේඛන දෙපාර්තමේන්තුව නිවේදනය කළේය.

31 May 2024

උපාධි ගන්න රේගුවෙන් සල්ලි අරන් 149ක් කට්ටි පැනලා?

රේගු දෙපාර්තමේන්තුවේ වන්දි අරමුදලින් රුපියල් කෝටි 13ක මුදලක් වැය කර පශ්චාත් උපාධි පාඨමාලා හැදෑරූ රේගු නිලධාරීන් 323 දෙනෙකුගෙන් පාඨමාලා අවසන් කර සහතික පත්‍ර ඉදිරිපත් කර තිබුණේ 149 දෙනෙකු පමණක් බව ජාතික විගණන කාර්යාලය නිකුත් කළ අලුත්ම වාර්තාවක (2024) සඳහන් වේ.

31 May 2024

උසස් පෙළ ප්‍රතිඵල නිකුත් වෙයි

2023 අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල අද (31) නිකුත් කර තිබේ.

31 May 2024

රංගෙ ගිල්ලෙ ජනාධිපතිගෙ ලණුවක්

මැතිවරණ කල් දැමිය යුතු බවට රංගෙ බණ්ඩාර ලවා ජනාධිපතිවරයා කියෙව්වේ රංගෙ එජාප මහ ලේකම් ධුරයෙන් ඉවත් කරන්නට පොටක් පාදා ගැනීමට යැයි සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජුබුර් රහුමාන් මහතා පැවසීය.

31 May 2024

වසර පහක් තුළ කෘත්‍රිම බුද්ධිය හැම තැනම පතුරනවා

ඉදිරි සමාජ හා ආර්ථික ඉලක්ක සපුරා ගැනීමට නම් කෘත්‍රීම බුද්ධිය වැනි නවීන තාක්ෂණය ප්‍රවර්ධනය කළ යුතු බව ජනාධිපති රනිල් වික්‍රමසිංහ මහතා පැවසීය.

31 May 2024

‘රාජ්‍ය ගණුදෙණු පූර්ණ විනිවිද බවින් කරනවා‘

සක්වල හා හුස්ම වැඩසටහන්වල සියලු ගණුදෙනු සහ පරිත්‍යාග සිදුවන්නේ පූර්ණ විනිවිධභාවයකින් යුක්තව බැවින් සමගි ජන බලවේග රජයක් තුළත් සියලුම රාජ්‍ය ගණුදෙනු පූර්ණ විනිවිදභාවයෙන් යුක්තව ක්‍රියාත්මක කරන බව විපක්ෂ නායක සජිත් ප්‍රේමදාස මහතා පැවසීය.

31 May 2024

සුදු තරුණියගේ බෑගයට විද්ද ජංගම වෙළෙන්ඳා රිමාන්ඩ්

පස්සර සුඛෝපභෝගී බස් රථයේදී එංගලන්ත ජාතික තරුණියගේ රුපියල් 2523382.04ක් වටිනා බෑගය සහ ඩොලර් 20000ක මුදල් සොරාගත් කැලණිය ප්‍රතියාගොඩ තරිඳු නිස්සංක සැකකරු ලබන 07 දින දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් ප්‍රසාන් අමරසේන මහතා අද නියෝග කළේය.

31 May 2024

ගාසාවට සටන් විරාම ඉල්ලා ලිප්ටන් වටරවුමේ විරෝධතා

ගාසා තීරයේ ස්ථීර සටන් විරාමයක් ඇති කර ජනසංහාරය වහා නවත්වන ලෙස බල කරමින් විරෝධතාවක් ලිප්ටන් වටරවුම අසළ අද (31) දහවල් පැවැත්විණි.

31 May 2024

ජාතික රෝහලේ සේවකයෙක් වහළය මත විරෝධයේ

කොළඹ ජාතික රෝහලේ සේවකයෙක් එම රෝහලේ නියෝජ්‍ය අධ්‍යක්‍ෂ වෛද්‍ය රුක්‍ෂාන් බෙල්ලන මහතා ඉවත්කරන ලෙස බල කරමින් බණ්ඩාරනායක ගොඩනැගිල්ලේ ඉහළ මහළයට නැග විරෝධතවක් ආරම්භ කර තිබේ.

31 May 2024

විමලවීර - රවීගෙන් සමාව ඉල්ලයි : නඩු කටයුත්තත් අවසන්

හිටපු රාජ්‍ය අමාත්‍ය සහ වත්මන් පාර්ලිමේන්තු මන්ත්‍රී විමලවීර දිසානායක මහතාට එරෙහිව හිටපු අමාත්‍ය රවී කරුණානායක මහතා කඩුවෙල දිසා අධිකරණයෙහි පනවා තිබූ වන්දි නඩුවක් සම්බන්ධයෙන් විමලවීර දිසානායක මහතා අධිකරණයේදී සමාව ගැනීම නිසා එම නඩුව සමථයකට පත් කර අවසන් කිරීමට කඩුවෙල දිසා විනිසුරු දුලානි එස්. වීරතුංග මහත්මිය අද (31) දින කටයුතු කලාය.

31 May 2024

හොරෙන් ගෙනා කෝටි 60ක වාහන බාර දෙන්නැයි නියෝග

රුපියල් මිලියන 300 ක රේගු බදු රටට අහිමි කරමින් හොර රහසේ ආනයනය කර මෝටර් රථ ප්‍රවාහන දෙපාර්තමේන්තු පරිගණක පද්ධතියේ දත්ත මකා දමා අනීතිකව ලියාපදිංචි කළ කෝටි 60කට අධික වටිනාකමින් යුත් සුඛෝපභෝගී ජිප් රථ හයක් අල්ලස් කොමිසමට වහාම භාර දෙන්නැයි වාහන හිමිකරුවන්ට නියෝග කළ කොළඹ ප්‍රධාන මහේස්ත්‍රාත් තිළිණගමගේ මහතා අද (31)දන්වා සිටියේය.

31 May 2024

‘අයිස්‘සමඟ ආධුනික කොස්තාපල් අත්අඩංගුවට

පොලිස් තනිකඩ භට නිවාසය තුළදී අයිස් මත්ද්‍රව්‍ය ළඟ තබා ගෙන සිටි ආධුනික පොලිස් කොස්තාපල්වරයෙකු අත්අඩංගුවට ගත් බව පන්නල පොලිසිය පවසයි.

31 May 2024

මංගල සාදයකදී සී.අයි ට පහරදුන් තිදෙනෙක් අත්අඩංගුවට

මාවතගම ප්‍රදේශයේ හෝටලයක පැවැති විවාහ මංගල උත්සවයක් අතරතුර ඇතිවූ ගැටුමක් සමථයකට පත් කිරීමට ගිය ප්‍රධාන පොලිස් පරීක්ෂකවරයෙකුට පහරදී තුවාල සිදුකිරීම සම්බන්ධයෙන් සැකකරුවන් තිදෙනෙකු අත්අඩංගුවට ගත් බව රඹුක්කන පොලිසිය පවසයි.

31 May 2024

පාකිස්තානය තවත් චන්ද්‍රිකාවක් උඩ යවයි

ආර්ථික අර්බුදයකින් බැට කන පාකිස්තානය, චීනයේ සහාය ඇතිව තවත් සන්නිවේදන චන්ද්‍රිකාවක් පෘථිවි කක්ෂයේ රැඳවීය.

31 May 2024

දකුණු අප්‍රිකා මැතිවරණය: පාලක කොංග්‍රසය ඉදිරියට

දකුණු අප්‍රිකා ජනාධිපතිවරණය, පාර්ලිමේන්තු මැතිවරණය සහ පළාත් සභා මැතිවරණයේ ප්‍රතිඵල නිකුත් කෙරුණු අතර සියයට 50 ක් ඡන්ද ගණන් කර අවසන් වෙද්දී, ජනාධිපති සිරිල් රැම්පෝසාගේ ‘අප්‍රිකා ජාතික කොංග්‍රසය’ ඉදිරියට පැමිණ සිටියේය. ඒ, සියයට 42 ක ඡන්ද ප්‍රතිශතයක් දිනා ගනිමිනි.

31 May 2024

‘විජයදාසගේ පත්කිරීම නිත්‍යනුකූල නෑ‘

විජයදාස රාජපක්ෂ මහතාට ශ්‍රී ලංකා නිදහස් පක්ෂයේ සභාපති සභාපති ධූරයේ සහ කීර්ති උඩවත්ත මහතාට ලේකම් ධූරයේ කටයුතු කිරීමට බාදා කිරීම වළක්වාලමින් පනවා තිබූ වාරණ නියෝගය ඉවත් කිරීමට කඩුවෙල දිසා විනිසුරු දුලානි එස්. වීරතුංග මහත්මිය අද (31) දින නියෝග කළාය

31 May 2024

‘දඹුල්ල තන්ඩර්ස් ‘ කණ්ඩායම් හිමිකරු යළි රිමාන්ඩ්

ලබන මස ශ්‍රී ලංකාවේදී පැවැත්වීමට නියමිත එල්. පී. එල් 2024 ක්‍රිකට් තරගාවලියේදී තරග පාවාදීමට බලපෑම් කලේ යයි කියන දඹුල්ල තන්ඩර්ස් ක්‍රිකට් කණ්ඩායමේ හිමිකරු, බ්‍රිතාන්‍ය පුරවැසි බංග්ලාදේශ ජාතික තමීම් රහ්මාන් ලබන 07 දක්වා යලි රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් තිළින ගමගේ මහතා මහතා අද (31)නියෝග කළේය.

31 May 2024