එසැණ පුවත්

කෝටි 18 ක රත්තරන් ජෙල් ගුවන්තොටෙන් පන්නන්න බැරිවෙයි

රුපියල් කෝටි 18 ක් පමණ වටිනා රත්තරන් ජෙල් ගුලි වශයෙන් සකස් කර ඒවා තම සිරුරු වල ගුද මාර්ගයේ සහ සිය ගමන් මලු තුළ සගවා ගෙන කටුනායක ගුවන් තොටුපොළ වෙත පැමිණ සිටි ශ්‍රී ලාංකිකයන් 06 දෙනෙකු ගුවන් තොටුපොළ රේගු නිලධාරීන් අත් අඩංගුවට ගෙන තිබේ .

අධ්‍යාපනය නංවන්න ලංකාව-වියට්නාමය අත්වැල් බැඳ ගනී

2024-2026 කාලය සඳහා ශ්‍රී ලංකාව සහ වියට්නාමය අතර අධ්‍යාපනික සහයෝගීතාව පිළිබඳ ගිවිසුමකට එළඹීමට කැබිනට් අනුමැතිය ලැබී තිබේ.

ග්‍රාම නිලධාරීවරයා අල්ලස් දැලේ

පදිංචි සහතිකයක් ලබා නොදීමට කාන්තාවකගෙන් රුපියල් 25000 ක අල්ලස් මුදලක් ලබාගත් ගඟවට කෝරළේ ප්‍රාදේශීය ලේකම් කාර්යාලයට අනුයුක්ත හිරැස්ස ග්‍රාම නිලධාරීවරයා අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

ව්‍යාජ නෝට්ටු සමඟ සිසුවා පොලිස් දැලේ

රුපියල් 500 ව්‍යාජ නෝට්ටු හයක් සන්තකයේ තබාගෙන තඹුත්තේගම බස් නැවතුම්පොළ රැඳී සිටි පාසල් සිසුවෙකු අත්අඩංගුවට ගත් බව තඹුත්තේගම පොලිසිය පවසයි. ‍ෙමෙලෙස අත්අඩංගුවට ගෙන ඇත්තේ නොචියාගම උඩුනුවර ජනපදයේ පදිංචි (17) හැවිරිදි සිසුවෙකි.

බොක්සිං ශූරයෝ කටුනායකට

ෂීෂෙල්ස් රාජ්‍යයේ ජාතික නිදහස් දින උත්සවයට සමගාමීව එරට පැවති ආරාධිත බොක්සිං තරගාවලියේ දී රන් පදක්කම් 02 ක් , රිදී පදක්කම් 02 ක් සහ ලෝකඩ පදක්කම් 02 ක් දිනා ගත් ශ්‍රී ලාංකික ක්‍රීඩකයින් පිරිස අද(26 )අලුයම කටුනායක ගුවන් තොටුපොළ වෙත පැමිණියහ .

නවතා තිබූ බසයේ හැපුණ ලොරිය නිසා තිදෙනකුට දිවි අහිමි වෙයි

මාන්කුලම් පොලිස් වසමේ යාපනය ,මහනුවර ඒ 9 ප්‍රධන මාර්ගයේ පනිච්චන්කුලම් ප්‍රදේශයේ දී සිදුවු රිය අනතුරකින් පුද්ගලයින් තිදෙනෙක් ජීවිතක්ෂයට පත් වූ බවට පොලීසිය පැවසීය.

රටබීම ෆැක්ටරිවලින් කෝටි 725 ක බදුපොල්ලක්

මත්පැන් නිෂ්පාදන ආයතන 39 ක් රුපියල් කෝටි 725 ක පමණ බදු මුදල් ප්‍රමාණයක් රජයට ගෙවීම පැහැර හැර ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ.

සංචාරයට පැමිණි මාලදිවයින් වෛද්‍යවරිය මරුට

නිවාඩුවක් ගත කිරීම සඳහා දිවයිනට පැමිණ සිටි මාලදිවයින් ජාතික වෛද්‍යවරියක් බොරැල්ලේ නිවසකදි ඖෂධ අධි මාත්‍රාවක් පානය කිරීමෙන් රෝගාතුරව නාරාහේන්පිට පුද්ගලික රෝහලකට ඇතුළත් කර සිටියදී මිය ගොස් ඇතැයි බොරැල්ල පොලිසිය පවසයි.

’’ ජාකොබ් පුතා‘ හිමිකරු රටින් පනින්න යද්දී මාට්ටු

මේ වනවිට ශ්‍රී ලංකා නාවික හමුදාව විසින් ඈත මුහුදු සීමාවේ දී හෙරොයින් කිලෝ ග්‍රෑම් 200 කට අධික ප්‍රමාණයක් සමග අත් අඩංගුවට ගෙන ගාල්ල වරාය වෙත රැගෙන එමින් සිටින ’’ ජාකොබ් පුතා’’ බහු දින ධීවර යාත්‍රාවේ හිමිකරු , මෙම පුවත සැළවීමත් සමග මාළදිවයින වෙත පළා යාම සදහා කටුනායක ගුවන් තොටුපොළ වෙත පැමිණ , අවසාන ආරක්ෂක කවුළුව ද පසු කර යාමට සූදානම් ව සිටියදී ගුවන් තොටුපොළ පොලිස් මත්ද්‍රව්‍ය නාශක අංශයේ නිලධාරීන් පිරිසක් අත් අඩංගුවට ගෙන තිබේ .

ලංකාවේ කඩොලාන රකින්න පොදු රඳ මඬුලු සහය

පොදු රාජ්‍ය මණ්ඩලීය ආයතනයකින් ලබා දෙන මුල්‍ය ප්‍රදානයන් මඟින් කඩොලාන සංරක්ෂණ ව්‍යාපෘති ක්‍රියාත්මක කිරීමට කැබිනට් අනුමැතිය ලැබී ඇත.

විරෝධතාවකදී පොලීසිය සමඟ ගැටුණු 11ක් අත්අඩංගුවට

මුතුර් ඉරුදියපුරම්. ප්‍රදේශයේ අලුතින් විවෘත කරන ලද රට බීම හලකට විරෝධය පළ කරමින් ප්‍රදේශවාසීන් පැවැත්වූ විරෝධතාවයක් අතරතුර පොලිස් නිලධාරීන්ට ගල් මුල් ප්‍රහාර එල්ල කරමින් කලහකාරී ලෙස හැසිරුණ පුද්ගලයන් 11 දෙනෙකු අත්අඩංගුවට ගත් බව මූතූර් පොලිසිය පවසයි.

රිය අනතුරින් නව හැවිරිදි දැරිය මරුට

දොඩංගොඩ රේන්ද පොල ප්‍රදේශයේදී ත්‍රී රෝදය රථයක ගැටීමෙන් එකම පවුලේ ලාබාල වයසේ පසුවන සහෝදරියන් දෙදෙනෙකු බරපතල තුවාල ලබා රෝහල් ගත කිරීමෙන් අනතුරුව එක් දැරියක් මියගිය බව දොඩංගොඩ පොලිසිය කියයි.

අදත් විටින් විට වැස්ස

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි ඇතිවන බව කාලගුණවිද්‍යා දෙපාර්තුමේන්තුව කියයි.

පරිගණක ක්‍රිඩාව මානසික රෝගයක්

අන්තර්ජාලයට හෝ පරිගණක ක්‍රීඩාවලට තදින්ම ඇබ්බැහිවීම ලෝක සෞඛ්‍ය සංවිධානය දැන් මානසික රෝගයක් ලෙස පිළිගෙන ඇතැයි විශේෂඥ මනෝ වෛද්‍ය රූමි රූබන් මහතා ලංකාදීපයට පැවසීය.

වාහන පාක් බදු අරන් කෝටි 26ක් පොලු තියලා

කොළඹ නගරයේ රථවාහන නැවැතුම් පොළවල් පවත්වාගෙන යෑමට කොළඹ නගර සභාව විසින් අවසර දී ඇති ආයතන මේ වන විට රුපියල් කෝටි 26 කට වඩා බදු මුදල් ගෙවීම පැහැර හැර ඇති බව කොළඹ නගර සභාවේ අධ්‍යක්‍ෂ ඉංජිනේරු පී.ඒ. චන්ද්‍රපාල මහතා සඳහන් කළේය.

විරෝධතාකරුවෝ කෙන්යා පාර්ලිමේන්තුවට කඩා වදිති

කෙන්යා රජය හඳුන්වා දුන් නව මූල්‍ය පනත් කෙටුම්පත පාර්ලිමේන්තුවේදී සම්මත වීමත් සමඟ විරෝධතා උත්සන්න විය. දස දහස් ගණනක් විරෝධතාකරුවෝ, නයිරෝබි අගනුවර පාර්ලිමේන්තු ගොඩනැගිල්ලට කඩා වැදුණු අතර ඔවුහු පාර්ලිමේන්තු ගොඩනැගිල්ලේ එක් කොටසකට ගිනි තැබූහ.

ජුලියන් අසාන්ජ් අධිකරණ හමුවට

ඇමෙරිකාවේ යුද රහස් ලොවට හෙළි කළැයි චෝදනා ලැබ සිටින, විකිලීක්ස් වෙබ් අඩවියේ නිර්මාතෘ සහ හිටපු සංස්කාරක ජුලියන් අසාන්ජ් අද (26) ඇමෙරිකන් අධිකරණයක් හමුවේ පෙනී සිටීමට නියමිතය.

සඳෙන් ගෙනා පස් පර්යේෂණාගාරයකට

චීන විද්‍යාඥයන්, ‘චැංග් ඊ 6’ රොබෝ ගවේෂණ යානය, සඳේ අඳුරු කලාපයට යවා ගෙන්වා ගත් පස් සාම්පල මේ වනවිට වැඩි දුර පර්යේෂණ සඳහා පර්යේෂණාගාරයකට රැගෙන ගොස් ඇතැයි වාර්තා වේ.

ජපන් අධිරාජ්‍යයාට මහ ඉහළ පිළිගැනීමක්

බ්‍රිතාන්‍යයේ නිල සංචාරයකට පැමිණ සිටින ජපානයේ නරුහිතෝ අධිරාජ්‍යයාට සහ මසාකෝ අධිරාජිනියට, තෙවැනි චාල්ස් රජු සහ කැමිලා පාකර් රැජිනගෙන් උණුසුම් පිළිගැනීමක් හිමිවිය.

රුසියන් නිලධාරීන්ට ජාත්‍යන්තර වරෙන්තු

ජාත්‍යන්තර අපරාධ අධිකරණය, රුසියාවේ හිටපු ආරක්ෂක අමාත්‍ය සර්ජි ෂොයිගු සහ හමුදා කාර්ය මණ්ඩල ප්‍රධානී වැලරි ජෙරසිමොව් අත්අඩංගුවට ගැනීමේ වරෙන්තුවක් නිකුත් කළේය.

විදුලි සැර වැදී සිසුවෙක් මරුට

ගල්කිරියාගම දික්වැන්නාගම දී සිදු වූ විදුලි සැර වැදීමකින් 17 හැවිරිදි පාසල් සිසුවකු අද(25) පස්වරුවේ මියගොස් ඇතැයි පොලිසිය පවසයි.

අධිවේගයේ මහා මුදල් කොල්ලයක්:22කගේ වැඩ තහනම්

අධිවේගී මාර්ගයේ කොළඹ පිටත වටරවුම් මාර්ගයේ අතුරුගිරිය අන්තර් හුවමාරු මධ්‍යස්ථානයේ සිදුවී ඇති බව කියන රුපියල් කෝටි ගණනාවක මහා මුදල් වංචාව සම්බන්ධයෙන් ප්‍රධාන මුදල් අයකැමි ඇතුළු අයකැමිවරුන් 22 කුගේ වැඩ තහනම් කළ බව මාර්ග සංවර්ධන අධිකාරියේ අධ්‍යක්ෂක ජනරාල් එස්. පි. එම්. සූරිය බණ්ඩාර මහතා පැවසීය.

මීගමුවේ ඉඳන් ලෝකයටම ගේම් දීලා

මහාපරිමාණ අන්තර්ජාල මූල්‍ය වංචාවකට සම්බන්ධ විදේශිකයන් ඇතුළු පුද්ගලයන් 33 කු මිගමුව ප්‍රදේශයෙන් අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

පියා පැදවූ රියෙන් විසිවී කුඩා දැරියක් මරුට

ත්‍රීරෝද රථයේ පිටුපස අසුනේ සිටි කුඩා දැරිය රිය පදවමින් සිටි පියාගේ ගෙලෙහි එල්ලීම නිසාවෙන් දිවුලපිටිය කඩවල ප්‍රදේශයේ දී සිදු වූ අනතුරකින් කුඩා දැරියක් මියගොස් ඇතැයි පොලිස් මූලස්ථානය පවසයි.

දියගම හදන වැඩේ හමුදාවට

දියගම මහින්ද රාජපක්ෂ ක්‍රීඩා සංකීර්ණයේ ප්‍රතිසංස්කරණ කටයුතු සිදු කිරීම යුද හමුදාවට බාරදීම සඳහා කැබිනට් අනුමැතිය ලැබී ඇත.

පොලිසියට සතුටු හිතෙන ආරංචියකට කැබිනට් අනුමැතිය

ශ්‍රී ලංකා පොලිසියේ අතරමඟ නතර වී තිබූ ඉදිකිරීම් ව්‍යාපෘතිවල ඉතිරි වැඩ නිම කිරීමට කැබිනට් අනුමැතිය ලැබී තිබේ.

වරාය නගරයට කරන්න යන දේ ජනපති කියයි

කෙරවලපිටිය වායු බලාගාරය හදන්න ආයෝජකයකු සොයයි

ද්විත්ව ඉන්ධන ධාරිතාව සහිත මෙගාවොට් 200ක අභ්‍යන්තර දහන එන්ජින් වලින් සමන්විත කෙරවලපිටියේ ස්වභාවික වායු බලාගාරය සඳහා ආයෝජකයකු තෝරා ගැනීමට කැබිනට් අනුමැතිය ලැබී ඇත.