ගුවන් යානය වැටුණේ නියමුවන්ගේ අත් වරදින්

(අංජුල මහික වීරරත්න)

ගුවන් හමුදා ප්‍රහාරක බල ගණයට අනුයුක්ත ගුවන් නියමුවන්ගේ පුහුණු ගුවන් යානයක් කඩා වැටීමට හේතුව එම පුහුණු නියමුවන්ගෙ අත්වැරැද්දක් බව ප්‍රවාහන, මහා මාර්ග හා සිවිල් ගුවන් සේවා අමාත්‍ය බිමල් රත්නායක මහතා පැවසීය.

අදාළ ගුවන් යානය කඩා වැටීම පිළිබඳ තාක්ෂණික විමර්ශන වාර්තාව ආරක්ෂක ලේකම්වරයා වෙතින් ගෙන්වා ගත් බව කී අමාත්‍යවරයා එම වාර්තාවේ කියන පරිදි ගුවන් යානාවේ බඳේ හෝ ඇන්ජිමේ කිසිම ප්‍රශ්නයක් නැති බව සඳහන් වන්නේ යැයි පැවසීය.

අදාල පුහුණු ගුවන් නියමුවන් දෙදෙනාගේ දිවි බේරීම පිළිබඳ සතුටට පත් වෙන බව කී අමාත්‍යවරයා ගුවන් යානය වැටීමෙන් ප්‍රදේශයේ ගස් කොළන් වලට හැර සෙසු දේපොළ හානියක් සිදුවී නොමැති බව කීය.

පුහුණු වීම් වලදී මෙවැනි ගුවන් යානා කඩා වැටීම් ලංකාවේ මෙන්ම ලොව සියලු රටවල වාර්තා වන බව කී අමාත්‍යවරයා ප්ලේන් එකේ "එල් බෝඩ්" නොතිබුණාට එහි ගියේ පුහුණු වෙන කට්ටිය බැවින් ඔවුගෙන් අත් වැරදීම් විය හැකි බව සඳහන් කළේය.

පාරේ පරණ වාහන දිව්වාට අහසේ ගුවන් යානා එහෙම දුවන්න බැරි බවද අමාත්‍යවරයා කීය.

මධ්‍යම අධිවේගී මාර්ගයේ නිරීක්ෂණ චාරිකාවක් අතරතුර මාධ්‍යවේදී ඇසූ ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.පාදෙනිය මිනුවන්ගැටේ ප්‍රදේශයට ඉකුත් 21 වැනිදා මෙම පුහුණු ගුවන් යානය කඩා වැටුණු අතර එහි නියමුවෝ දෙදෙනා දිවි බේරා ගත්හ.

අදහස් (12)

ගුවන් යානය වැටුණේ නියමුවන්ගේ අත් වරදින්

බකල ජයා Monday, 24 March 2025 03:40 PM

දෙන්නම පුහුණුවෙන අයද? පුහුණුකරු හිටියේ ගහක් උඩද, ගහෙන් බිමද?.

: 4 46

KumarMonday, 24 March 2025 09:02 PM

ගුවන් යානයක පුහුණු වෙන්න යන්නේ ගුරයි, ශිෂ්‍යයයි. නුපුහුණු දෙන්නෙක් යන්නේ නැහැ. වසර 24ක් පැරැණි ගුවන් යානයේ දෝෂයක් වෙන්න ඇති...

: 2 19

de silva Monday, 24 March 2025 04:19 PM

කියන දෙයක් හොඳට හොයලා හිතලා බලලා කියන්න. නැතිනම් මේකත් අර වඳුරු කතාව මෙන් බැක් ෆයර් වෙන්න පුළුවන්... ගුවන් හමුදා මාධ්‍ය ප්‍රකාශකගේ වැඩේ ඔබ කරන්න යන එක සුදුසු නැහැ.

: 1 35

ravin Monday, 24 March 2025 05:04 PM

ප්‍රසිද්ධ මාධ්‍ය තුළින් කිව්වනේ එම යානයේ සිටි එක් අයෙක් ප්‍රධාන ජෙට් පුහුණුකරු කියලා..

: 0 29

chandima Monday, 24 March 2025 10:18 PM

සාමාන්‍යයෙන් නම් මේ වගේ අනතුරක වැරදි කරුවා ගැන ප්‍රකාශයක් කරන්නේ විධිමත් පරීක්ෂණයකින් පසුවයි. ඒ පිළිබඳව විශේෂ දැනීමක් ඇති පිරිසක් විසින් කලාට පසු ඒ කට්ටිය ප්‍රකාශයක් කරනවා. ඇමති තවම අලුත්නේ . බල්ලගේ වැඩේ බූරුවා කරන්න යන්නේ නැතුව උන්නා නම් හොඳයි. නේද , උපදේශය අනික් ඇමතිලාටත් වටිනවා

: 0 5

amila Tuesday, 25 March 2025 04:25 AM

යානයක් කඩා වැටෙද්දී බිමට පැන්න විදිය පිළිබඳව පුහුණු කළා වෙන්න බැරිද?

: 0 2

Gamini Tuesday, 25 March 2025 07:25 AM

එක්තරා ඇමතිවරයෙක් කීවෙ විදුලිය බිඳවැටීම වඳුරෙක්ගෙ වැඩක් කියලා.මේකත් ඒ වගේ පුහුණු වන දෙන්නගේ වරදින් කියන්නේ කොහොමද කෝ එතකොට පුහුණු කරු කොහෙද හිටියේ.

: 0 6

R.T.Sarat Tuesday, 25 March 2025 07:36 AM

ගුවන් අනතුරක් පිළිබඳව නිසියාකාර පරීක්ෂණයක් කර නිගමනයකට එන්න අවම වශයෙන් සති කිහිපයක් ගතවෙනවා , සමහර අනතුරු වලට වසර ගණනාවක් ගත වෙනවා , මේවට සම්බන්ධ නිසි ක්‍රියාපටිපාටියක් තිබෙනවා , එකට කල් ගතවෙනවා , එම නිසා ගුවන් හමුදාව හෝ පරීක්ෂණ කණ්ඩායම් තවම කිසිම වාර්තාවක් එලියට දමල නැහැ , ඔවුන්ට එහෙම කරන්න නීතියෙන් ඉඩකුත් නැහැ , තත්වය එහෙම තියාගෙන ගුවන්යානා විෂය සම්බන්ධයෙන් දැනුමක් නොමැති ඔබ මෙවැනි ප්‍රකාශ කිරීම සුදුසු නැහැ , මේකෙන් රණ ගුවන් හමුදා සාමාජිකයන්ගේ මොරාල් එක බහිනවා , ඔබගේ ප්‍රකශය ඉල්ලා අස්කරගතයුතුය

: 0 7

Jebaiya Tuesday, 25 March 2025 09:16 AM

මේක මැදමුලන වැඩක්

: 0 4

බයි සිතිවිලිTuesday, 25 March 2025 10:54 AM

ඥානක්කට කියල හූනියමක් කරල නේද ... ... මම හිතුව හරි.

: 2 1

prasanna Tuesday, 25 March 2025 12:28 PM

ඔය ගැන ප්‍රකාශ නිකුත් කරන්න ඕනෑ ගුවන් හමුදාවෙන් නොදන්න මඟුල් කියන්න ගිහින් නාගන්නවා

: 0 3

නායක රත්න Tuesday, 25 March 2025 02:31 PM

හරි නම්පුහුණුකරුත් යානයට නගින්න ඕනේ. බිම ඉඳලා මෙහෙම අරන් පලයල්ලා කියලා දුන්නාට මදි...!

: 1 3

ඔබේ අදහස් එවන්න

වීඩියෝ දර්ශන

පෙට්‍රල් නොමිලේ දුන්නත් ත්‍රී රෝද රථ ගාස්තු අඩු කරන්න බෑ

2025 අප්‍රේල් මස 29 92 0

විජය පුවත්පත් සමාගමේ SUPERIOR සමඟින් සිඟිති අවුරුදු කුමරා කුමරිය 2025

2025 අප්‍රේල් මස 29 25 0

සැබෑ අපරාධය ජනතා මුදල් බැංකු වල හිර කර තබා සිටීමයි

2025 අප්‍රේල් මස 28 2967 32

මහජන වැඩට තියෙන මුදල් තැන්පත් ගිණුම් වල රඳවා ගෙන සිටීම අපරාධයක් බව අල්ලස් හෝ දූෂණ චෝදනා විමර්ශන කොමිෂන් සභාවට තමා පෙන්වා දුන් බව හිටපු ජනාධිපති රනිල්

දළදා වන්දනාවේ දින දීර්ඝ නොකරයි

2025 අප්‍රේල් මස 25 1276 6

පුරා දින 10ක් පුරා පැවැති සිරි දළදා වන්දනාව කලින් නියම කර ගත් පරිදී අනිද්දායින් (27) අවසන් කරන බව ශ්‍රී දළදා මාලිගාවේ දියවඩන නිලමේ නිලංග දෑල මහතා අද (25) පැවැ

මහියංගන බස් අනතුරින් 28කට තුවාල

2025 අප්‍රේල් මස 25 868 1

තිරිංග අක්‍රයවීමත් සමඟ රියැදුරුගේ පාලනයෙන් ගිලිහුණු ලංගම බසයක් වියානා ඇළ දෙසට ධාවනය වෙද්දී එහි රියැදුරා අසල වේල්ලක ගැටීමට සලස්සවා බසය නවතා ගැනීමෙන්

ජනපති හදිසියේ මහනුවර වන්දනා බැතිමතුන් හමුවට යයි

2025 අප්‍රේල් මස 25 3354 20

ජනාධිපති අනුර දිසානායක මහතා ඊයේ රාත්‍රියේ මහනුවර සිරි දළදා වන්දනාවේ නිරත බැතිමතුන් හමුවට හදිසියේ ගොස් ඔවුන්ගේ සුව දුක් විමසා බැලුවේය.