2025 මැයි මස 09 වන සිකුරාදා
උපුල් වික්‍රමසිංහ
රජය සතු ඖෂධ තත්ත්ව පාලන පරීක්ෂණාගාරය නිසි පරිදි ක්‍රියාත්මක නොවීමෙන් ආනයනික ඖෂධ වැඩි ප්‍රමාණයක් නිසි තත්ත්ව පරීක්ෂාවකට ලක් නොවෙන බව සෞඛ්‍ය අංශ පෙන්වා දෙයි.
රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ ‘ඉරිදා ලංකාදීප’යට පැවසුවේ දැනට පවතින රජයේ ඖෂධ තත්ත්ව පරීක්ෂණාගාරය වසර 35 ක් පමණ පැරණි යාවත්කාලීන නොවූ එකක් බැවින් එහි ධාරිතාව ඖෂධවල ප්‍රමිතිය පරීක්ෂා කිරීමට අසමත් බවය.
ඖෂධයක් ලියාපදිංචි කිරීමට ඉල්ලුම් කිරීම, වෙළෙඳපොළට නිකුත් කිරීමට පෙර පරීක්ෂා කිරීම, වෙළෙඳපොළට නිකුත් කළ පසු වෙළෙඳපොළෙන් හා රෝහල්වලින් අහඹු ලෙස ගෙන ඒවා පරීක්ෂා කිරීම සහ ඖෂධ සම්බන්ධයෙන් ලැබෙන පැමිණිලි මත පරීක්ෂා කිරීම යන අවස්ථා මත මෙම පරීක්ෂණාගාරයෙන් ඖෂධ පරීක්ෂා කළ යුතු වුවත් ලැබෙන පැමිණිලි මත කෙරෙන පරීක්ෂා කිරීම් හැර අන් අවස්ථාවලදී පරීක්ෂා කිරීම් බහුල ලෙස සිදු නොවෙන බව ද වෛද්‍යවරයා හෙළි කළේ ය. අහඹු ඖෂධ පරීක්ෂා කිරීම් නිතර සිදු නොවන බව ද හෙතෙම අනාවරණය කළේ ය.
දැනට තිබෙන රසායනාගාරයෙහි ධාරිතාව ප්‍රමාණවත් නොවෙන හෙයින් ලෝක සෞඛ්‍ය සංවිධානයේ ප්‍රමිතීන්ට අනුකූල ජාත්‍යන්තර මට්ටමේ අලුත් ඖෂධ තත්ත්ව රසායනාගාරයක් ඉදි කළ යුතු බවත් ඒ සඳහා අවශ්‍ය මුදල් ජාතික ඖෂධ නියාමන අධිකාරිය සතුව ඇති බවත් හෙතෙම සිහිපත් කළේ ය.
මේ අතර ඖෂධ නිෂ්පාදකයන්ගේ සංගමය සඳහන් කරන්නේ දේශීය ඖෂධ කර්මාන්තශාලා සතුව ඖෂධ තත්ත්ව පාලන රසායනාගාර පහසුකම් තිබෙන හෙයින් එම ඖෂධ පරීක්ෂාවලට ලක් වුව ද රජයේ ඖෂධ තත්ත්ව පරීක්ෂණාගාරය නිසි ලෙස ක්‍රියාත්මක නොවීමෙන් ආනයනික ඖෂධ තත්ත්ව පරීක්ෂාවට ලක් නොවෙන බවය.
අප මේ පිළිබඳ රජයේ ස්ථාවරය විමසීමට සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස දුරකථනය ඔස්සේ සම්බන්ධ කර ගැනීමට උත්සාහ කළ ද එය ව්‍යර්ථ විය.
ගිවිසුම් අවලංගු කෙරුණු පාලම් 97ක ඉදිකිරීම් කොන්ත්‍රාත්කරුවන්ට 2023 වසරේදී රුපියල් කෝටි 33කට වැඩි මුදලක් ගෙවා ඇතැයි ජාතික විගණන කාර්යාලය නිකුත් කළ වාර්තා
ඉන්දු - පාකිස්ථාන අර්බුදය යුදමය ගැටුමක් දක්වා වර්ධනය වුවහොත් එම දෙරට විසින් අත්‍යවශ්‍ය ආහාර ද්‍රව්‍ය අපනයනය කිරීම සීමා කිරීමට හෝ තහනම් කරනු ලැබීමට ඉඩ
විදුහල්පති සේවයේ මේ වන විට පුරප්පාඩු 3000කට ආසන්න ප්‍රමාණයක් ඇති වී තිබෙන බව ශ්‍රී ලංකා වෘත්තීයවේදී විදුහල්පතිවරුන්ගේ සංගමය සඳහන් කරයි.
මේ දිනවල වායුගෝලයේ පවතින දැඩි උණුසුම් තත්ත්වය සුළඟ නොමැතිවීම සහ වායුගෝලයේ ජල වාෂ්ප වැඩි වීම හේතුවෙන් ඇති වී තිබෙන බව කාලගුණ විද්‍යා දෙපාර්තමේන්තුවේ
පසුගිය මාසයෙහි ඩෙංගු රෝගීන් 5,018 දෙනෙකු වාර්තා වී තිබෙන බවත් ඉදිරියේ දී ඇතිවන වැසි සමග තවදුරටත් රෝගින් වාර්තාවීම ඉහළ යා හැකි බවත් සෞඛ්‍ය කීට විද්‍යා නිල
ජනාධිපති බංගලා කුලියට ගැනීමට දෙස් විදෙස් ආයෝජකයන් දස දෙනෙකු ඉදිරිපත්ව සිටින බව වාර්තා වේ. යාපනයේ ජනාධිපති බංගලාව කුලියට ගැනීමට කැනඩා ආයෝජකයන් ඇතුළු
2025 මැයි මස 09
27
0
ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
2025 අප්‍රේල් මස 29
1294
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
333
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
ආනයනික ඖෂධ තත්ත්ව පරීක්ෂාවට ලක් නොවීමේ අවදානමක් තිබෙන පරීක්ෂණාගාරය අවුරුදු 35 ක් පරණයි