(බිමල් ශ්‍යාමන් ජයසිංහ)
රුපියල් එක් කෝටි හැට ලක්ෂයකට ආසන්න වටිනා හොරෙයින් මත්කුඩු තොගයක් සමග අඹු සැමි යුවළක් අත්තිඩිය නිවසක දී අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය කියයි.
සැකකරු දෙහිවල ගල්කිස්ස නගර සභාවේ කම්කරු සේවකයෙකි.
එම සැකකරු සන්තකයේ තිබී මත්කුඩු ග්‍රෑම් 45ක් හා සැකකාරිය සන්තකයේ තිබී මත්කුඩු ග්‍රෑම් 810 ක්,විද්‍යුත් තරාදියක්,මත්කුඩු පැකට් කිරීම සඳහා සදහා යොදා ගන්නා හැන්දක්,ජාවාරමෙන් උපයා ගත් බව කියන රුපියල් 41000 මුදලක් ඇතුළු උපකරණ රැසක් සමඟ මත් කුඩු පැකට් කිරීමට යොදා ගත් කුඩා කොළ කැබලි තොගයක් ද පොලිසිය බාරයට ගෙන ඇත
වැටලීම සිදුකරන අවස්ථාවේ දී අඹුසැමි යුවළ නිවස තුළ මත්කුඩු පැකට් කරමින් සිටි බවත් පොලිසිය කියයි
මේ වන විට බූස්ස බන්ධනාගාරය රඳවා සිටින ප්‍රධාන පෙළේ මත්ද්‍රව්‍ය ජාවාරම්කරුවකු වන මර්වින් ජානා නැමැත්තාගේ අනියම් බිරිඳ වන රුසියාවේ පදිංචි දිලිනි නැමැත්තිය ට මෙම මත්කුඩු තොගය අයිතිබව සැකකාර අඹුසැමි යුවළගෙන් සිදුකළ දීර්ඝ ප්‍රශ්න කිරීමේ දී අනාවරණ වී ඇතැයි පොලිසිය පවසයි.
