(තිලකරත්න දිසානායක)

මිස්ටර් ශ්‍රී ලංකා ලෙස ජාත්‍යන්තර තරඟාවලිය සඳහා" Mister Sri Lanka For International - 2023" මෙරට නියෝජනය සඳහා " ඩි මෝඩ් නිරූපන ආයතනය "  තෝරගත් නිරූපණ ක්ෂේත්‍රයේ තරුණයන් තිදෙනකුට, කිරුළු පැළඳවීම වැලිවේරිය වයිට් පැලස් හෝටල් පරිශ්‍රයේදී  සිදු කෙරිණි.

ශ්‍රී ලංකාවට ජාත්‍යන්තර ජයග්‍රහණ ත්‍රිත්වයක් ගෙන ඒමේ ගෞරවය හිමි කර ගැනීමේ අරමුණින් ඩි මෝඩ් මොඩ්ලින් ඇකඩමියේ අධ්‍යක්ෂ සහ ජාතික අධ්‍යක්ෂ ඩි ෂාන් මල්ලව මහතා විසින් මෙය සංවිධානය කොට ඇත.

ශ්‍රී ලංකාව  පළමු වරට සංවිධානය කෙරෙන මේ සදහා පැවති තරඟාවලියෙන් ජයග්‍රහණය කළ චේතිය වීරකෝන් , ශිරෝන් පොල්ගොල්ල සහ ෆ්‍රෑන්ක් දේෂාන් යන නිරූපන ශිල්පීන් තිදෙනා Man Of the World , Man of the Earth , Mister World Heritage සඳහා පිළිපීනය සහ ඉන්දියාව යන රටවලදී රටවල් 40 කට අධික සහභාගිත්වයෙන් මෙම වසරේදී පැවැත්වෙන ජාත්‍යන්තර තරගාවලි සඳහා සහභාගි වන බවත් ඉදිරියේදී නිරූපිකාවන් සදහාද ජාත්‍යන්තර තරග සඳහා අවස්ථාව සලසා දීමට පියවර ගෙන ඇති බවත් ජාතික අධ්‍යක්ෂ ඩි ෂාන් මල්ලව මහතා සදහන් කළේය.