(ජයරත්න වික්‍රමාරච්චි)

සාලියවැව යාය හත ප්‍රදේශයේ  සිදුකළ සොදිසි මෙහෙයුමකදී හෙරොයින් මත්කුඩු ග්‍රෑම් එකයි මිලි ග්‍රෑම් 400 ක් සමඟ සැකකරුවෙකු අත්අඩංගුවට ගත්බව සාලියවැව පොලිසිය කියයි.

සාලියවැව පොලිසියේ බුද්ධි අංශයට ලද තොරතුරකට අනුව උපාය දූතයෙකු යොදවා සිදුකළ විමර්ශනයකින් පසුව අද (21) සවස මෙම පුද්ගලයා අත්අඩංගුවට ගෙන තිබේ.

අත්අඩංගුවට ගත් සැකකරු 26 හැවිරිදි සාලියවැව යාය හත ප්‍රදේශයේ පදිංචිකරුවෙකු බව පොලිසිය පැවසීය.

මොහු කොළඹ තොටලග ප්‍රදේශයෙන් ඉතා සූක්ෂම ලෙස මත්කුඩු මිලදී ගෙන තැරැව්කරුවන් මගින් සාලියවැව හා ඒ අවට ප්‍රදේශවල ගණුදෙනුකරුවන්ට අලෙවිකර ඇති බව පොලිසිය පවසයි.

මෙම සැකකරු මීට පෙර අවස්ථා කිහිපයකදී ගංජා සහ මත්පෙති සමඟ අත්අඩංගුවට පත්වූවෙකු බවත් පොලිසිය සඳහන් කරයි.

අත්අඩංගුවට සැකකරු හෙට (22) පුත්තලම අධිකරණයට ඉදිරිපත් කිරීමට නියමිතව බව පොලිසිය කීය.