(රංජිත් රාජපක්ෂ)                    

මස්කෙලියේ සිට හැටන් දක්වා ධාවනය වූ බස් රථයක් ලිස්සාගොස් කාණුවකට වැටීම හේතුවෙන් හැටන් මස්කෙලිය නල්ලතන්නිය ප්‍රධාන මාර්ගයේ ගමනා ගමන කටයුතු අද (25) පස්වරුවේ ඇණ හිට ඇති බව නොර්වුඩ් පොලිසිය පැවසීය.

මස්කෙලියේ සිට හැටන් දක්වා ධාවනය වෙමින් තිබූ බස් රථය හැටන් මස්කෙලිය ප්‍රධාන මාර්ගයේ නොර්වුඩ් රොක්වුඩ් වත්ත ප්‍රදේශයේදී ලිස්සාගොස් මාර්ගයෙන් ඉවතට පැන දකුණුපස රෝදය කාණුවකට වැටී බස් රථයේ පසුපස කොටස ප්‍රධාන මාර්ගය හරහා තිබීම හේතුවෙන් එම මාර්ගයේ ගමනා ගමන කටයුතු ඇණ හිට ඇති බව  නොර්වුඩ් පොලිසිය සඳහන් කළේය.

බස් රථය අනතුරට පත්වන අවස්ථාවේ බස් රථය තුළ මගින් විශාල පිරිසක් සිටි බවත් අනතුරෙන් කිසිවෙකුටත් තුවාල සිදුවී නොමැති බවත් පොලිසිය පවසයි.

අනතුරට පත් වූ බස් රථය ඉවත් කර ගැනීමට කටයුතු කරන බව නොර්වුඩ් පොලිසියේ පැවසීය.