(ක.ග. කරුණාරත්න)
 
හිඟුරක්ගොඩ සිට හතමුණ හරහා පොලොන්නරුව මාර්ගයේ හිඟුරක්ගොඩ ආනන්ද බාලිකා විද්‍යාලයට ආසන්නයේ දී අද (28)  පාසල් සිසු සිසුවියන් රැගත් කැබ් රථයක් මාර්ගයෙන් ඉවතට පැන පෙරලීයාම වු අනතුරකින් ළමුන් 12 දෙනෙකු තුවාල ලබා රෝහල් ගත කල බව හිඟුරක්ගොඩ පොලීසිය කියයි.

තුවාලකරුවන් සියලූම දෙනා පොලොන්නරුව සහ හිඟුරක්ගොඩ රෝහල් වලට ඇතුළත් කර ඇත. ඔවුන්ගේ තත්ත්වය බරපතල නොවන බව වෛද්‍යවරු පවසති.

හිඟුරක්ගොඩ නගරයට ආසන්නව පිහිටි ප‍්‍රධාන පෙලේ පාසලක 70 වැනි සංවත්සරය නිමිත්තෙන් පැවැත්වීමට නියමිතව තිබූ පා ගමනකට සහභාගී වීම සඳහා මෙම ශිෂ්‍ය ශිෂ්‍යාවන් කැබ් රථයකින් පැමිණෙමින් සිටියදී මේ අනතුර සිදුව ඇත.