(හිරාන් ප්‍රියංකර ජයසිංහ සහ රෝවන් පෙරේරා)
 
නවගත්තේගම කොන්කඩවල රක්ෂිතයේ හක්කපටස් කා මිය ගිය වන අලියකුගේ සිරුරක්  වන ජීවි නිලධාරීන් විසින් අද(17) සොයා ගෙන ඇත.
 
වයස අවුරුදු 10 ක් පමණ වූ මෙම වන අලියා උසින් අඩි හයක් පමණ වන බවද වනජීවි නිලධාරීහු පවසති.
 
වනජීවි පශු වෛද්‍ය ඉසුරු හේවා කොට්ටගොඩ මහතා අලියාගේ පශ්චාත් මරණ පරීක්ෂණ කටයුතු පැවැත්වීමේදී අනාවරණය වූයේ වට්ටක්කා හෝ වෙනත් ආහාරයක් සමඟ හක්කපටස් යොදා ඇති බවත්, අලියා දින කිපයක් නිරාහාරව වේදනා විඳිමින් සිට මරණයට පත්ව ඇති බවත්ය.
 
වල් ඌරන් දඩයම්කරන මිනිසුන් ඇතැම් අවස්ථාවලදී මෙම හක්කපටස් උගුල අටවන බවත්, එය සැපීමත් සමඟ මුඛයට දරුණු තුවාල සිදුවී අලි මිය යන බවත් ඒ මහතා පැවසීය.