කොළඹ ශාන්ත මරියා විද්‍යාලයේ 600 ක් පමණ සිංහල දෙමළ හා මුස්ලිම් සිසුන්ගේ සහභාගීත්වයෙන් හා සංවිධානයේ විදුහල්පතිනි අනෝමා ඩයස් මහත්මියගේ මෙහෙයවීම මත සිංහල අලුත් අවුරුද්දේ චාරිත්‍ර වාරිත්‍ර, ජන ක්‍රීඩා, ජන නැටුම්  පිළිබිඹූ වන අයුරු රඟදක්වමින් මෙම සිංහල හින්දු අලුත් අවුරුදු උළෙල පැවැත්විණි.

ජනමාධ්‍ය ඇමැති ගයන්ත කරුණාතිලක මහතා  ප්‍රධාන ආරාධිතයා විය. සංහිදියාව  ගොඩනැංවිම සඳහා රජය ගන්නා උත්සහයේ දී  පාසල් මට්ටමින් ගුරුවරුන් හා සිසු දරුවන් දක්වන මෙවන් දායකත්වයත් ඒ වෙනුවෙන් වන කැපවීමත් ඇමැති අගය කළේය.