(රොමේෂ් මධුෂංඛ)
 
වවුනියාව පණික්කන්කුලම් ප්‍රදේශයට ඊයේ (28) රාත්‍රියේ ඇදහැලුණු වර්ෂාවත් සමග බලපෑ සුළි කුණාටුව හේතුවෙන් නැවත පදිංචිකරුවන්ගේ නිවාස 30කට ආසන්න ප්‍රමාණයකට හානි සිදුව ඇති බව වවුනියා වැසියෝ පවසති.
 
මිලිමීටර් 100 කට අධික වර්ෂාපතනයත් සමඟ මෙසේ සුළි සුළං තත්වය ඇතිව තිබෙන අතර නැවත පදිංචිකරුවන්ගේ නිවෙස්වල වහල සම්පූර්ණයෙන්ම ගැලැවී ගොස් ඇති අතර ඇතැම් නිවාස වෙත ගස් කඩා වැටී ඇති බවද ඔවුහු කියාසිටිති.
 
සුළං ඇති වන අවස්ථාවේදී කිසිවෙකුටත් හානි සිදුව නොමැත.
 
එම නිවාස හිමි ජනතාව නිවෙස් වෙතින් ඉවත්කිරීමට පියවර ගෙන ඇත.
 
සුළි කුණාටුව හේතුවෙන් හානි වූ පවුල්වලට සිදුව ඇති විපත පිළිබඳව සොයා බලා ඔවුන්ට අවශ්‍ය පහසුකම් සැපයීමට වවුනියාව ආපදා කළමනාකරන නිලධාරීන් විසින් පියවර ගෙන ඇත.