නිමන්ති රණසිංහ
 
ඉන්දියාවේ බැංගලෝර්හි පැවැත්වූ පුහුණු වැඩසටහනකට සහභාගීවීම සඳහා ව්‍යාජ ලේඛණ සකස් කර එමගින් රුපියල් ලක්ෂ 12ක මුදලක් වංචා කළැයි කියන සිද්ධියකට අදාළ වාරිමාර්ග ජලසම්පත් කළමණාකරණ අමාත්‍යාංශයේ ප‍්‍රධාන ගණකාධිකාරීවරයා සහ අභ්‍යන්තර විගනකවරයා ලබන 07 වැනිදා තෙක් රක්ෂිත බන්ධනාගාර ගත කරන ලෙස කොළඹ අතිරේක මහේස්ත‍්‍රාත් චාන්දනී ඩයස් මහත්මිය අද (28) නියෝග කළාය.
 
මෙලෙස රක්ෂිත බන්ධනාගාර ගත කරනු ලැබුවේ වාරිමාර්ග ජලසම්පත් කළමණාකරණ අමාත්‍යාංශයේ ප‍්‍රධාන ගණකාධිකාරීවරයා වූ සුදුහුම්පල මහනුවර පදිංචි හේවාවසම් අත්තනායකලාගේ සරත් අශෝක අත්තනායක සහ එම අමාත්‍යාංශයේ අභ්‍යන්තර විගනකවරයා වූ ඒ. එල්. චන්දන යන අයවලූන්ය.