(හිඟුරානේ නවරත්න සමරතුංග)

අම්පාර උහන පොලිස් වසමේ පදිංචි 75 හැවිරිදි අයෙකු (07) දින වන අලියෙකුගේ පහර කෑමට ලක්ව බරපතල තුවාල ලබා ජීවිතක්ෂයට පත්වූ බව උහන පොලීසිය පවසයි.

උහන තිස්සපුර ගමේ කුඹුරෙගෙදර පියසේන නැමති අය මෙම අනතුරෙන් මියගොස් ඇත.

ඔහුගේ ගෙවත්තේ ශබ්දයක් ඇසී ඒ ගැන විපරම් කිරීමට ගෙමිදුලට බැස බලනවිට නිවස අසල කොස් ගසක කොස්ගෙඩි කමින්සිටි අලියෙකු මෙසේ පහරදී ඇති බව කියයි.

තුවාලකරු අම්පාර මහ රෝහලට ඇතුලත් කරන විටත් මියගොස් සිටිබව රෝහල් ප්‍රකාශකයෙකු “ලංකාදීප”යට පැවසීය.
ඔහුගේ මෘතදේහය රෝහල් මෘතශරීරාගාරයේ තැන්පත් කර ඇති අතර මෙම මරණය සම්බන්ධව පශ්චාත් මරණ පරීක්ෂණයක් සහ හදිසි මරණ පරීක්ෂණයක් පැවත්වීමට පියවර ගෙන තිබිණ.

අම්පාර කොට්ඨාශය භාර පොලිස් අධිකාරී ගයාන් හසන්ත මාරපන මහතාගේ අධීක්ෂණය මත පොලිස් නිලධාරීහු පරීක්ෂණ සිදුකරති.