(ඩි.ජී.සුගතපාල)
 
රිය අනතුරු දෙකකින් පුද්ගලයින් දෙදෙනෙකු මිය ගොස් ඇතැයි ගාල්ල කොට්ඨාස රථ වාහන අංශය පවසයි.
 
උණවටුන රෝහල ඉදිරිපිටදී පුද්ගලික බස් රථයක හැපිමෙන් බර පතල තුවාල ලැබු  පාපැදිකරුවෙකු කරාපිටිය රෝහලට ඇතුලත් කිරිමෙන් පසු මියගොස් ඇත.
 
මිය ගොස් ඇත්තේ වංචාවල කදුරුදුව පදිංචිව සිටි මහගමගේ දහනායක නමැති 71හැවිරිදි පුද්ගලයෙකි.
 
 මිය ගිය අය ගාල්ල දෙස සිට පා පැදියෙන් යමින් සිටියදි ගාල්ල දෙස මාතර දෙසට ධාවනය වූ පුද්ගලික බස් රථයක පිටුපස පා පුවරුව ආසන්න කොටස් වැදිමෙන් අනතුර සිදුව ඇත.
 
මේ අතර ගාල්ල කළුවැල්ලේ පුද්ගලික කොන්ත්‍රාත් සමාගමක සේවකයින් දෙදෙනෙකු විදුලි පහන් කණුවක් අලුත් වැඩියා කරමින් සිටියදි කොළඹ දෙස සිට පැමිණි මෝටර් රථයක් එක් අයෙකුගේ ඇඟේ හැපිමෙන් බරපතල තුවාල ලබා කරාපිටිය රෝහලට ඇතුළත් කිරීමෙන් පසු මිය ගොස් ඇත.
 
මිය ගොස් ඇත්තේ යක්කල මහවිට පදිංචිකරුවෙකු වන පනාගොඩ ලියනගේ ප්‍රිමාල් පේෂාන් නමැති 36 හැවිරිදි පුද්ගලයෙකි.