(අජිත්ලාල් ශාන්තඋදය සහ අරුණ එස් හේරත්)

රත්නපුර පැල්මඩුල්ල පාරේ ලේලොපිටියේදී අද (11) සවස එකම දිසාවට ධාවනය වූ යතුරු පැදියක් සහ පෞද්ගලික බස් රථයක් ගැටීමෙන් යතුරුපැදිකරු එම ස්ථානයේදීම මියගිය බව රත්නපුර පොලිසිය පැවසීය.

මියගොස් ඇත්තේ සන්නස්ගම, පාලූගම්පොළ, හේන්යාය පදිංචිව සිටි එන්.ජේ.කේ. රෝහිත කුංලතුංග නැමැති 36 හැවිරිදි තිදරු පියෙකි.

ඔහු ලෙල්ලොපිටිය ප‍්‍රදේශයේ පිහිටි පෞද්ගලික ඇඟලූම් කම්හලක සේවකයෙක් බවද පොලිසිය පැවසීය.

අනතුරටපත් යතුරු පැදියත් පෞද්ගලික බස් රථයත් රත්නපුර දෙස සිට පැල්මඩුල්ල දෙසට ධාවනය වී ඇති බව පොලිසිය පැවසීය.

අනතුර සිදුවූ ආකාරය අනාවරණය කර ගැනීම සඳහා පොලිසිය පරීක්‍ෂණ පවත්වයි. අනතුරට ලක්වූ පෞද්ගලික බස් රථයේ රියදුරු අත්අඩංගුවට ගෙන ඇත.