මතුගම (අධිකරණ )වික්‍රම .පී .කුමාරසිරි

මනුෂ්‍ය ඝාතනයක් සිදුකිරීම,  කුමන්ත්‍රණය කිරීම, අනුබල දීම සහ සැකකරුවන්ට රැකවරණ සැලසීම සම්බන්ධයෙන් සැකපිට අත්අඩංගුවට ගෙන අධිකරණය හමුවට පමුණවා සිටි පුද්ගලයන් සිව්දෙනෙකු ඔක්තෝබර් 10වන දින දක්වා රිමාන්ඩ්‍ භාරයට පත්කරණ ලෙස මතුගම වැඩබලන මහෙස්ත්‍රාත් සනත් එදිරිසිංහ මහතා අද (29) දින නියෝග කළේය.

එස් .එල් .සුජිත් දේවප්‍රිය හෙවත් සුජියා ,එස්.එල් .නාමල්  සිල්වා හෙවත් බබා  නොහොත් කිව්වා,කේ.ජී .විසල් ධනන්ජය ජයරත්න හෙවත් සුද්දා කේ.චරක අශාන්(මැල්ලමූකලාන-ලිහිණියාව මහකළුපහණ)නමැතිඅය එසේ රිමාන්ඩ්‍භාරයට පත්කෙරිණ.

 "බී" වාර්තාවක් මගින් සිද්ධිය සම්බන්ධයෙන් අධිකරණය හමුවේ කරුණු දැක්වූ මීගහතැන්න පොලිසිය එහිදී සඳහන්කර සිටි පරිදි 2018.09.27.දින මීගහතැන්න රෝහල විසින් නාගොඩ රජයේ මහරෝහල වෙත මාරුකර එවනලද තුවාල කරුවකු මරණයට පත්ව ඇති බව රෝහල් පොලිසිය ස්ථානය දැනුවත්කර තිබේ.

එම තොරතුර මත ස්ථානාධිපති පොලිස් පරීක්ෂක ආරියවංශ මහතාගේ උපදෙස් හා මගපෙන්වීම මත අපරාධ විමර්ශන අංශයේ ස්ථානාධිපති උපපොලිස් පරීක්ෂක පාලිත රාමසිංහ මහතා ඇතුළු පොලිස් කොස්තාපල් වරුන්වන සම්පත් (77780)පුෂ්පකුමාර (45477)යන නිලධාරීන් විසින් සිදුකල මූලික විමර්ශන කටයුතු වලදී අනාවරණය කරගෙනතිබූ පරිදි ,මරණකරුවන ඉලේකුට්ටිගේ් තුෂාර පුෂ්පකුමාර (මැල්ලමූකලාන-ලිහිණියාව )යනඅය සහ සැකකරුවන් එකම ගමක පදිංචිකරුවන් වන අතර 2018.09.27.දින රාත්‍රී 9.00ට පමණ පළමුවන හා දෙවන සැකකරුවන් විසින් ඒවනවිට නිවසේ රැඳීසිටි මරණකරුට පණිවුඩයක් යවා ඔහු තමන්වෙත ගෙන්වාගෙන එසේ  පැමිණිවිට මන්නාපිහියකින් පහරදී ඇතිබව අධිකරණය හමුව්‍ෙ වැඩිදුරටත් අනාවරණය විය.

පහරදීමෙන් අනතුරුව සැකකරුවන් පලාගොස් ඇති අතර අසල්වැසියන් විසින් තුවාල ලබාසිට අය සුවසැරිය ගිලන්රථ සේවාව මගින් මීගහතැන්න රෝහලට යැවීමට කටයුතු කර ඇතිබවත්,රෝ්හල ගතකළ තුවාලකරුගේ තත්ත්වය බරපතළ හෙයින් නාගොඩ මහරෝහලට මාරුකරයවා ඇති අතර ඒවන විටත් තුවාලකරු මියගොස් තිබූ බව සඳහන්කර සිටි පොලිසිය හෙතෙම මියයාමට පෙර,පළමුවන හා දෙවන සැකකරුවන් තමාට පහරදුන් බව සඳහන්කරමින් මීගහතැන්න රෝහලේ වෙද්‍ය නිලධාරි වෙත ප්‍රකාශයක් ලබාදී ඇතිබවද සඳහන් කරතිබිණ.