( පුෂ්පකුමාර මල්ලවආරච්චි)
 
මීරිගම බාදුරාගොඩ ප‍්‍රදේශයේදී කසිප්පු බීමෙන් පසු රෝගාතුරව හෘදයාබාධයකට ලක්ව මියගිය ජයන්ත  රූපසිංහ  යන අයගේ දේහය අද( 4)  සවස  අවසන් කටයුතු සදහා ගෙන යන අතර  මීරිගම මීගමුව මාර්ගයේ පොත්තෙවෙල ප‍්‍රදේශයේ පාර මැද තබාගෙන මියගිය අයගේ ඥාතීන් ඇතුලූ ප‍්‍රදේශවාසීහු විරෝධතාවයක යෙදුනහ.
 
 මෙම පිරිස පැය බාගයක පමණ කාලයක් මෙසේ විරෝධතාවයේ යෙදුනු අතර ඔවුහු කසිප්පු විකුණන පුද්ගලයාට හා මෙම සිදුවීමේදී පොලිසියේ කි‍්‍රයා කලාපය සම්බන්ධයෙන් දැඩිසේ විරෝධය පල කළහ. මෙම විරෝධය නිසා මාර්ගයේ ගමනාගමනය මේ කාලය තුළ සම්පූර්ණයෙන්ම ඇණ හිටියේය.
 
 පල්ලෙවෙල හා කොටදෙනියාව පොලිස් ස්ථානාධිපතිවරුන් ඇතුලූ නිලධාරින් මේ අවස්ථාවේ එහි පැමිණ ජනතාව සන්සුන් කිරීමට පියවර ගත් අතර මෙම සිදුවීම සම්බන්ධයෙන් අසාධාරණයක් නොවන්නට සුදුසු පියවර ගන්නා බව පොලිසිය මෙහිදී සදහන් කළහ. මේ අවස්ථාවේ ජනතාව දැඩි ලෙස උද්වේගකාරි අන්දමින් අදහස් පල කරනු දැකිය හැකිවිය.  අනතුරුව පිරිස දේහය අවසන් කටයුතු සදහා ලෙන යනු ලැබූ අතර සාමකාමී අන්දමින් එම කටයුතු සිදු කරනු ලැබීය.