(රොමේෂ් මධුෂංඛ)

මන්නාරම උදයපුරම් ප්‍රදේශයේදී නාවික හමුදාව හා පොලිස් විශේෂ කාර්ය බලකා නිලධාරීන් විසින් සිදු කරන ලද සෝදිසි මෙහෙයුමකදී කේරල ගංජා කිලෝ 125 ග්‍රෑම් 695 ක් අත්අඩංගුවට ගෙන ඇත.

උදයපුරම් ප්‍රදේශයේදී සැකකරුවන් දෙදෙනෙකු කේරල ගංජා කිලෝ 5 ක් සමඟ අත්අඩංගුවට ගෙන ඇති අතර එහිදී සැකකරුවන්ගෙන් සිදු කරන ලද වැඩිදුර ප්‍රශ්න කිරීම්වලින් පසුව නාවික හමුදාව, පොලිස් විශේෂ කාර්ය බලකාය හා යුද හමුදාවේද සහය ඇතිව සඟවා තිබූ සෙසු කේරල ගංජා තොගය සොයාගැනීමට හැකිවී තිබේ.

උතුරු මැද නාවික විධානයට අයත් නාවික හමුදා නිලධාරීන් පිරිසක් සහ මන්නාරම් පොලිසියේ විශේෂ කාර්ය බලකා කඳවුරේ නිලධාරීන් පිරිසක් විසින් මෙම සෝදිසි මෙහෙයුම සිදු කර ඇත.

අත්අඩංගුවට ගත් සැකකරුවන් සහ කේරල ගංජා තොගය වැඩි දුර පරීක්ෂණ කටයුතු සඳහා පේසාලෙයි පොලිසියට භාර දීමට පියවර ගෙන ඇත.