(හිරාන් ප්‍රියංකර ජයසිංහ)
 
මූන්දලම සෙම්බැට්ට ප්‍රදේශයේ දී ඊයේ(14) රාත්‍රියේ සිදුවු බස් රථ අනතුරකින් විසි දෙනෙකු තුවාල ලබා ඇති බවත් ඉන් සිව්දෙනෙකුගේ තත්වය බරපතල බවත් මූන්දලම පොලිසිය පවසයි.
 
 මෙසේ තුවාල ලබා ඇත්තේ ගම්පහ සිට තලවිල දේවස්ථානය වෙත ගමන්ගත් බස් රථයක බැතිමතුන් පිරිසකි.
 
තුවාල ලැබූ පිරිස ගම්පහ , වැලිවේරිය , දිවුලපිටිය , මිනුවන්ගොඩ, නාත්තන්ඩිය , වලහපිටිය පදිංචිකරුවන් පිරිසක් බවද ඔවුන් පුත්තලම මූලික රෝහලේ ප්‍රතිකාර ලබමින් සිටින බවද පොලිසිය කියයි.
 
 මෙම බස් රථය ගම්පහ දක්වා පිටත්ව යමින් සිටියදී අනතුර සිදුව ඇති බව කියයි .
 
බස් රථය සෙබ්බැට්ට ප්‍රදේශයේදී යතුරු පැදියක් ඉස්සර කිරීමට යාමේදී හලාවත දෙසින් පැමිනි ත්‍රිරෝද රථයක් බස් රථයේ ගැටීමට ගොස් ඇත. එය වැලැක්වීමට යාමේදී ත්‍රි රෝද රථයද අනතුරට ලක්කරමින් බස් රථය පෙරළී ඇතැයි මුන්දලම පොලිසිය පවසයි.
 
අනතුරින් බරපතල තුවාල ලැබූ සිව් දෙනෙකුගෙන් 15 හැවිරිදි පිරිමි දරුවෙකු පුත්තලම මූලික රෝහලේ සිට කොළඹ ජාතික රෝහල වෙත මාරුකර යවා ඇත.