(හැටන් රංජිත් රාජපක්ෂ)

හැටන් සිට මස්කෙලිය දක්වා  ධාවනය වු බස් රථයක ගැටි මානසික රෝගයෙන් පෙලෙන කාන්තාවක් ජීවිතක්ෂයට පත්ව ඇති බව නොර්වුඩ් පොලිසිය කියයි.

අද(23) පස්වරු 5ට පමණ මෙම අනතුර සිදුවී ඇත්තේ හැටන් මස්කෙලිය ප්‍රධාන මාර්ගයේ නොර්වුඩ් ගොර්ති වත්ත ප්‍රදේශයේදීය.

ධාවනය වෙමින් තිබු පෞද්ගලික බස් රථයේ ඉදිරියට මෙම රෝගි තත්ත්වයෙන් පෙලෙන කාන්තාව පැන ඇති අතර එහිදි එම කාන්තාව බස් රථයේ ඉදිරි රෝදයට යටවී එම ස්ථානයේදිම ජිවිතක්ෂයට පත් වී ඇත.

මානසික ව්‍යාධියකින් පෙලෙන මෙම කාන්තාව කිසියම් පිරිසක් විසින් දින කිහිපයකට ප්‍රථම කුඩා මස්කෙලිය ප්‍රදේශයට ගෙනවිත් අතහැර දමා ඇති අතර ඇය මාර්ගයේ ගමන් ගන්නා වාහන කිහිපයකටම ගැටිමට ගොස් බේරි ඇති බව ප්‍රදේශවාසිහු පැවසූහ.

බස් රථයේ රියදුරු නොර්වුඩ් පොලිසිය විසින් සැකපිට අත්අඩංගුවට ගෙන ඇති අතර අනතුර පිළිබඳ නොර්වුඩ් පොලිසිය පරික්ෂණ පවත්වයි.