(අජිත්ලාල් ශාන්ත උදය, වයි.ඒ.එස්.වීරවංශ, සම්පත් ප්‍රියනන්දන සහ ඉඔුල්පේ නාලක ජේ)
 
පෞද්ගලික බස් රථයක් බලන්ගොඩ වැලිගෙපොළ ප්‍රධාන මාර්ගයේ දාමහන ප්‍රදේශයේදී  ලොරි රථයක ගැටීමෙන් අද(22) සිදු වූ අනතුරකින් හත්දෙනෙකු තුවාල ලබා ඇත.
 
තුවාල ලැබූ පිරිස අතර පාසල් සිසුන් තිදෙනෙකු, කාන්තාවන් තිදෙනෙකු සහ පිරිමි පුද්ගලයකුද වෙති.
 
ඔවුන් බලන්ගොඩ මූලික රෝහලට ඇතුළත් කර ඇති බවද ඔවුන්ගේ තත්ත්වය බරපතල නොවන බවද රෝහල් ප්‍රකාශකයෙක් පැවසීය.
 
බලන්ගොඩ සිට යටිපස්ගමුව බලා ධාවනය වෙමින් තිබූ  බස් රථය වැලිගෙපොළ සිට බලන්ගොඩට ධාවනය වෙමින් තිබූ ලොරි රථයේ ගැටී මාර්ගයෙන් ඉවතට පෙරළී අනතුර සිදුව ඇත.
 
බලන්ගොඩ පොලිසිය වැඩිදුර පරීක්ෂණ පවත්වයි.

(ඡායාරූප- අජිත්ලාල් ශාන්ත උදය සහ වයි.ඒ.එස්.වීරවංශ)