(හාලිඇල- විජේරත්න රත්නායක)
 
එළඹෙන නව වසර ඉලක්ක කරගෙන මනුෂ්‍ය පරිභෝජනයට නුසුදුසු ආහාර අලෙවි කරන වෙළෙන්ඳන් සොයා ප්‍රදේශයේ මහජන සෞඛ්‍ය පරීක්ෂකවරු අද (28) හාලිඇල නගරයේ හදිසි මෙහෙයුමක් සිදුකළහ.
 
මෙහිදී කල් ඉකුත් වූ ආහාර, මීයන් වැනි සතුන් විසින් හානිකරන ලද ආහාර ඇතුළු මිනිස් පරිභෝජනයට නුසුදුසු ආහාර අලෙවි කිරීම පිළිබඳවත් අදාළ තොරතුරු සඳහන් නොවූ ලේබල් සහිත ආහාර අලෙවිය හා මස් හා මාළු සමඟ අයිස්ක්‍රීම් වැනි ආහාර ශීතකරණ තුළ එකට ගබඩා කිරීම වැනි වැරදි පිළිබඳවත් පරීක්ෂා කෙරිණි.
 
හාලිඇල බණ්ඩාරවෙල මාර්ගයේ සහ හාලිඇල වැලිමඩ මාර්ගයේ පිහිටි වෙළඳසැල් 37 ක් පමණ මෙහිදී පරීක්ෂාවට ලක්කෙරිණි. එහිදී වැරදි සම්බන්ධයෙන් වෙළෙන්ඳන් සිවු දෙනෙකුට එරෙහිව නඩු පැවරීමටත්, අත්අඩංගුවට ගනු ලැබූ පරිභෝජනයට නුසුදුසු ආහාර තොගයක් විනාශ කිරීමටත් කටයුතු කරනු ලැබීය.
 
තවත් වෙළෙන්ඳන් 09 දෙනෙකුට අදාළ වැරදි නිවැරදි කරගන්නා ලෙස අවවාද කිරීමටද මහජන සෞඛ්‍ය පරීක්ෂකවරු පියවර ගත්හ.