ටෝනි කරු‍ණානායක 
 
මිනුවන්ගොඩ, කටුවැල්ලේගම කම්හලකින් සොයාගත් මනුෂ්‍ය  පරිභොජනයට නුසුදුසු පොල් කිරි ටින් 1000 ක් විනාශ කිරීමට නියෝග කළ මිනුවන්ගොඩ  මහේස්ත්‍රාත්  ශිලනි චතුරන්ති පෙරේරා මහත්මිය ඒවා ගබඩාකරගෙන සිටි සැකකරුට රුපියල් 5000 ක දඬයක්  ද නියම කළාය.
 
ලේබලයක් නොමැතිව විකිණිමට සුදනම් කර තිබූ වතුර බොතල් 876ක් ද  එම ගබඩාවේ තිබී සොයා ගත් අතර එම චෝදනාවට සැකකරුට රුපියල් 2000 ක දඬයක් නියම කැරිණි.
 
මෙලෙස දඩ නියම වුයේ   රණතුංග අරච්චිලාගේ රුවන් අසේල නම් පුද්ගලයකුටය.
 
මනුෂ්‍ය පරිභෝජනයට නුසුදුසු කල්ඉකුත් වූ  ටින් කරන ලද පොල් කිරි මිනුවන්ගොඩ කටුවැල්ලේගම ,මහයායවත්ත, පිහිටි කර්මාන්ත ශාලාවකට රැගෙනවිත්  ඒවායේ ඇසුරුම්වල  සඳහන්   කල් ඉකුත් වීමේ දිනය විකෘති කර පරිභෝගිකයන්ට වීකිණිමේ ජාවාරමක්  ගෙන ලැබුණු තොරතුරු අනුව මෙම වැටලීම කර ඇත.
 
දාගොන්න මහජන සෞඛ්‍ය පරිකෂක සී.එස්. අමරදාස මහතා අධිකරණය හමුවේ විත්තිකරුට විරුද්ධව නඩු පවරා තිබුණි.