(සම්පත් ප්‍රියනන්දන සහ නාලක ජේ හෙට්ටිආරච්චි) 

යතුරුපැදියකින් ගමන් කළ   පුද්ගලයකුට  පහර  දී  ඔහුගේ රන් අත් පළඳනාව   පැහැර ගැනීමේ  සිද්ධියකට සම්බන්ධ සැකකරුවන්   තිදෙනෙකු   අද  (18) අත්අඩංගුවට  ගත් බව පොලිසිය පවසයි.

බලන්ගොඩ පොලිස් බල ප්‍රදේශයට අයත්  පදිංචිකරුවන්  තුන්දෙනෙකු  මෙලෙස අත්අඩංගුවට ගෙන ඇත.
 
ඕපනායක  ප්‍රදේශයේ පදිංචි  පුද්ගලයකු  බලන්ගොඩ මස්සැන්නට දින කිහිපයකට පෙර යතුරු පැදියකින්  ගමන්  කරමින් සිටියදී යතුරුපැදිය නතර කර  ඔහුට පහර දුන් තිදෙනෙකු ඔහුගේ  රන් අත් පළඳනාව  පැහැරගෙන  තිබුණි.
 
පහරකෑමට  ලක් වූ පුද්ගලයා බලන්ගොඩ පොලිස් ස්ථානය වෙත පැමිණිල්ලක් කර තිබුණි. පැහැගත් රන් අත් පළඳනාව  ගොඩකවෙල ප්‍රාදේශයේ  පෞද්ගලික මුල්‍ය ආයතනයක රුපියල්  59,000කට උකස්  කර තිබියදි  පොලිසිය   සොයාගෙන  ඇත.
 
මෙම සිද්ධියට සමිබන්ධ  තවත් සැකකරුවෙකු  මීට පෙර අත්අඩංගුවට ගෙන රක්ෂිත බන්ධනාගාර ගත කර ඇත.
 
අත්අඩංගුවට ගත් සැකකරුවන් අද  (18)  බලන්ගොඩ මහෙස්ත්‍රාත්වරයා හමුවට ඉදිරිපත් කිරීමට නියමිතය.