(ඉන්දික අරුණ කුමාර)

මාතලේ  නාඋල ප‍්‍රාදේශිය ලේකම් කොට්ඨාසයේ කජු සඳහා ඉහළ මිලක්  පැවතිය  මේ දිනවල පවතින වැසි සහිත කාලගුනය නිසා අස්වැන්න  විනාශ වී ඇතැයි ගොවීහු පවසති.

නාඋල වෙළ`දපොල තුළ මේ දිනවල උසස් තත්ත්වයේ කජු කිලෝවක් රුපියල් 375 ත් 400 අතර මිලකට අලෙවි වන අතර වැස්සට හසු වී  ඒවා විනාශ වී  යාමත් සමඟ ගුණාත්මක කජු වෙළෙදපොලට ලබා දීමට නොහැකි බවද ඔවුහු කියති.

මේ තත්ත්වය යටතේ කජු කිලෝවක් රුපියල් 275 සිට 300 දක්වා මිලකට අලෙවි වන බවද  කජු වගාවේ නිරත ගොවින් කියා සිටියේ සිය අස්වැන්න මෙවර වර්ෂාවට හසුවිම හේතුවෙන් මෙම තත්ත්වය ඇති වී ඇති බවයි.

ඇතැම් වෙලෙන්දෝ  නොමේරු කජු කඩා හොද කජු වලට මිශ‍්‍රකර අළෙවි කිරීම සඳහා රැගෙන ඒමට උත්සා කරන බවත් , හිතාමතාම නොමේරු කජු වගාකරුවන් විසින් වෙළඳපොලට රැගෙන ඒම තුළින් නිසි මිලක් ලබාදීමට නොහැකි තත්ත්වයක් උද්ගතව ඇති බව  ව්‍යාපාරිකයෝ කියති.

මිලට ගන්නා බොහෝ කජු තෙරිමට ලක්වනන බවත් බොහෝ ප‍්‍රමාණයක් ඉවත දැමීමට සිදුවන බවත් ව්‍යාපාරිකයෝ සඳහන් කරති.