(ප්‍රසන්න පත්මසිරි)

බිබිල නිල්ගල වන රක්ෂිතයේ පුවක්පැලේ වන ප්‍රදේශය අද (17)  සවස ගිනිගැනිම නිසා අක්කර සියයක පමණ භුමියේ ගස් වැල් ගින්නෙන් දැවීගොස් ඇත.

බුද්ධදාස රජුගේ ඔසු උයන නමින් හදුන්වන නිල්ගල ඖෂධීය වනයේ අරළු,බුළු,නෙල්ලි කුඩුම්බේරිය කොළ, බිම් කොහොඹ ඇතුලු ඖෂධ ශාක හා කළුවර, බුරුත, ගම්මාලු, ඇතුලු වටිනා දැව ගස් හා අලි, කොටි, වළසුන්,වල්ඌරන්, මිමින්නන්, හාවුන්, මුවන්, ගෝනුන්, පක්ෂීන් හා උරගයින් ඇතුලු දුර්ලබ වර්ගයේ වන සතුන් විශාල වශයෙන් වෙසෙන අක්කර හැටපන්දහසක වනයකි.

බිබිල අඩවි වන නිළධාරී අතුල දිවාරත්න මහතාගෙන් කළ විමසීමකදී කියා සිටියේ වනය ගිනි ගන්නා  අවස්ථා වලදී වන අඩවි කාර්යාලයේ නිළධාරීන් එක්ව ගින්න නිවා දමන බවයි. නියං කාලයේදී සුළඟ නිසා  පැතිරී යන ගින්න නිවන්න අසීරු බවද පැවසීය.